الهاكرز - وكيف تكون كذلك - الجزء الاول

 الهاكرز - الجزء الاول 

بصو يا جماعه , في عالم الإختراق عامةً فيه نوعين للهاكرز

1. هاكرز أخلاقي

 ethical hacker

2. هاكرز غير أخلاقي

 unethical hackers

طبعاً الهاكرز الغير أخلاقي معروف , وهما الناس اللي بيخترقو أجهزة الضحايا ويسرقو المعلومات منها , وهدفها في الغالب تحدي أو عشان يسرق فلوس من البنوك والفيز

الهاكر الأخلاقي بقى , ده هاكر زي الهاكر الغير أخلاقي , لكن بيتفق مع شركة معينة عشان يختبر الأمان بتاعها

نوضح مثال , أنا مثلاً هاكر , وعندنا شركة جديدة , ف الشركة هتتفق معايا إني أحاول أخترق أنظمتهم كإني مخترق عادي , لكن طبعاً بدون ما أسرق بيانات أو حاجة , لإني هاخد فلوس ع الكلام ده

هحاول أخترق الشركة وأدور على الثغرات ده , وأكتب تقرير كامل عن كل الثغرات الموجودة في الموقع بتاعهم

الهاكرز الأخلاقي ممكن يشتغل لوحدو أو مع مجموعة وطبعاً بياخد فلوس كتيرة على الموضوع 

الهاكرز الأخلاقي ممكن يكونو من الشركة نفسها , أو مجموعة معروفة أو شخص معروف عالمياً

الهاكرز الأخلاقي لازم بيوقع على اتفاقية اسمها

 Code Of Ethic 

ولو عرضت معلومات الشركة السرية للخطر , هتتحاكم

اولا لازم تعرف ان الهاكرز تخصصات يعني في هاكرز مثلا لاختراق السيرفرات والمواقع وفي هاكرز بيخترقوا انظمة بنوك وحسابات وفي هكرز بيخترقوا اجهزة كمبيوتر وتخصصات تانية كتير

اولا لازم تحدد انت عاوز تكون هاكر في ايه ولنفرض مثلا اختراق مواقع

مفيش طريقة معينة لاختراق موقع عموما يعني مفيش برنامج او خطوات هتعملها وكدا تبقى اخترقت الموقع لان الموضوع مش سهل ولا بسيط انك تخترق موقع

في اختراق المواقع عشان تكون هاكر حقيقي لازم تكون شخص دارس لغات برمجة لدرجة الاحتراف ودارس انظمة تشغيل سيرفرات المواقع لدرجة الاحتراف ليه الكلام دا .. لان انت كهاكر مطلوب منك البحث عن ثغرات اما في لغة البرمجة اللي متبرمج بيها الموقع زي لغة الـ

 php 

في الفيس بوك كدا وعشان تعرف توصل لثغرة تعدي منها وترفع ملف عالموقع او تنفذ اوامر معينة لازم تكون محترف في لغة البرمجة دي عشان تبقى عارف نقاط القوة ونقاط الضعف في لغة البرمجة وايه هي الدوال اللي ممكن تكون غير مؤمنة من جهة المبرمج وتتوقع الثغرة فيها وكيفية التحايل على اكواد البرمجة والمرور من بين اكواد الحماية

او بقى تبحث عن ثغرة في نظام التشغير بتاع سيرفر الموقع نفسه سواء كان لينوكس او ويندوز سيرفر او يونكس لازم تبقى محترف في نظام التشغيل اللي هتخترقه ومحترف في اعدادات السيكيورتي بتاعته 

باختصار الهاكر ما هو الا شخص محترف جدا في المجال اللي بيخترقه يعني هاكر المواقع هو مبرمج محترف في لغات برمجة المواقع وانظمة تشغيل السيرفرات واعداد الحماية ليها

معنى كدا ان المبرمج المحترف والهاكر وجهان لعملة واحدة بس الفرق ان المبرمج المحترف دا بيستخدم خبرته في سد الثغرات والتأمين والبناء والهاكر هو مبرمج محترف بيستخدم خبرته في ايجاد ثغرات والهدم

يعني انا كمبرمج اقدر اكون هاكر في لغات البرمجة اللي بشتغل فيها لاني عارف ثغراتها والهاكر يقدر يكون مبرمج في المجال اللي بيخترقه لانه خبير فيه

طبعا كلامي عن الهاكرز الحقيقيين مش الناس اللي انتشروا في الايام دي وكل واحد بيقول على نفسه هاكر لمجرد انه نزل كام برنامج او سطب باك تراك وتابع كام شرح لاستخدام البرامج دول مش هاكرز حتى وان نجح في مرة في احتراق جهاز لان الهاكر الحقيقي هو اللي يكتشف الثغرات مش اللي يخترق بناء على ثغرات اكتشفها محترفين غيره وهو مجرد تابع ليهم وبينفذ اللي الناس دي عملته وشرحته