ايه الـ DNS دا وبيشتغل ازاي وبيعمل ايه ؟
DNS
يعني
Domain Name System
او نظام اسماء النطاقات
طيب بيعمل ايه الـ
DNS
دا اصلا
الانترنت دا شبكة كبيرة بين الدول وطبعا انت جزء من الشبكة دي ما دام جهازك متصل بالانترنت
البيانات والمعلومات اللي على الانترنت دي موجودة على سيرفرات وكمان قولت ان السيرفر عبارة عن جهاز كمبيوتر بمواصفات قوية متصل بالانترنت وله عنوان ثابت
طيب كل المواقع زي جوجل وفيس بوك وياهوا وغيرها عبارة عن سيرفر والسيرفر دا متصل بالانترنت عن طريق عنوان ثابت زي ما قولنا
طيب تفتكر العنوان الثابت بتاع الموقع دا عبارة عن ايه ؟؟
عبارة عن اي بي على شكل ارقام يعني مثلا جوجل له اي بي زي كدا
82.129.130.208 لو نسخت الرقم دا وحطيته في المتصفح هيفتحلك جوجل
امال ازاي ايه العنوان دا اللي انا بكتبه عشان افتح جوجل اللي هو
اهو العنوان دا اسمه النطاق او
domain
طيب ازاي انا اما بكتب في المتصفح
بيفتح جوجل اللي هو اصلا العنوان بتاعه
82.129.130.208
هنا بقى دور الـ
DNS SERVER ..
ايه هو الدي ان اس سيرفر دا ؟
دا عبارة عن سيرفر ببساطة كدا متخزن فيه ان العنوان
www.google.com مخصص للاي بي 82.129.130.208
جهازي بيتصل بالدي ان اس سيرفر دا يقوم الدي ان اس سيرفر يبحث عن
ويشوف الاي بي المربوط بيه الدومين او النطاق دا ايه اللي هو
82.129.130.208
يعني ببساطة كدا الدي ان اس سيرفر دا عبارة عن مترجم بيترجم ليا عنوان الموقع من الشكل دا
82.129.130.208
للشكل دا
طيب تخيل كدا من غير دي ان اس سيرفر كان الانترنت هيبقى عامل ازاي ؟؟
مكنش هيبقى في حاجة اسمها
كان هيبقى لازم تحفظ عناوين المواقع بالشكل دا
82.129.130.208
على شكل ارقام
طيب زي ما قولنا ان كل مرة بفتح فيها موقع جهازي بيتصل بالدي ان اس سيرفر ويشوف اسم الموقع دا مربوط باي بي ايه ويحولني لاي بي الموقع دا
طيب هل كل مرة انا هطلب الموقع هيروح للدي ان اس سيرفر ويشوف ايه الاي بي المربوط بيه اسم النطاق وبعدين يحولني ليه
هنا بقى بيجي دور حاجة اسمها
DNS CACHE
ودا نظام بيقوم بتخزين اسم كل نطاق والايبي او العنوان الرقمي ليه
يعني انا فتحت
لاول مرة طبعا هيقوم بالعملية اللي قولنا عليها انه هيتصل بالدي ان اس سيرفر ويبحث عن العنوان الرقمي او الاي بي الخاص بالنطاق دا ويحولني اليه
تاني مرة بقى اما اجي افتح
مش هيروح للدي ان اس سيرفر ويعمل اللفة دي كلها لا هيشوف النطاق دا متخزن في الكاش بايبي ايه ويقوم يحولني للايبي اتوماتك بدون ما يقوم بالعملية اللي فاتت دي ودا دور الـ
DNS CACHE
خلاص الموضوع دا ان
الـ
DNS SERVER
: سيرفر يقوم بدور المترجم الذي يقوم بترجمة اسم النطاق من هذا الشكل
الى هذا الشكل
82.129.130.208
لاتمكن من الاتصال بالموقع المطلوب
الـ
DNS CACHE :
تقنية لتخزين اسم كل نطاق والعنوان الرقمي او الاي بي الخاص به لتجنب الاتصال بالدي ان اس سيرفر كل مرة
0 comments:
Post a Comment