الهندسة العكسية

دايماً الأطفال الصغيرين أما يجيوا يلعبوا ممكن نلاقيهم يوصلوا إنهم يخلوا كل جزء في اللعبة لوحده .. يعني فككوا اللعبة كل جزء بقي لوحده .. خلي بالكم ده علي لعبة .. طيب الكلام ده لو إتطبق علي وليكن علي" قطار صيني" أيوه قطار صيني زي ما فرنسا إشترت " 70 قطار صيني " عشان تفككهم قطعة قطعة .. 

بس مش لعبة

أو " ساعة سويسري" .. إتفككت محتوياتها .. جُزئية إن آلة ميكانيكية إتفككت لأجزاء وقطع الغرض منه إنه يُطبق عليه ما يُسمي بـ " الهندسة العكسية " .. يعني إيه ؟؟ يعني دولة عايزة تدرس منتج دولة أخري .. فـ تجيب المنتج وتفككه وتبدأ عمل عكسي للمنتج بس يا تري الهدف من الهندسة العكسية هو إن أوصل لـ مكونات المنتج .. وأعمل زيها .. كوبي بيست .. لا طبعاً الهدف .. إن أزود تقنيات جديدة للمنتج وإني أحسنه ..

تعالوا نعرف تاريخ الهندسة العكسية 

======================

أول تطبيق للهندسة العكسية كان بـ نهاية الحرب العالمية التانية .. وتم تطبيقه في المجال العسكري .. إيه اللي حصل ؟؟ ... بعد هزيمة ألمانيا في الحرب العالمية الثانية وقعت وثائق الصاروخ الألماني V"2" بأيدي الروس كما وقع في الأسر بعض علماء الصواريخ الألمان، واستعين بهؤلاء مع العلماء الروس لإعادة إنتاج الوثائق الفنية والمخططات التقانية للصاروخ V2 في روسيا. وتم التوصل بموجبها إلى إنتاج الصاروخ الروسي R-1، وكان ذلك بداية برنامج الصواريخ السوفييتية .... ده كان البداية .. وأيضاً عن طريق الهندسة العكسية .. تم نسخ القاذفة "TU-4" من القاذفة الأمريكية "B-29".. يا تري بعدها ناموا ومافكروش يعملوا حاجة ؟؟:) ..لا.. بعدها بـ سنوات طوروا القاذفة دي .. يعني بقي فيها إمكانيات جديدة مختلفة عن الأمريكية 

بـ النسبة للصناعات المدنية .. ماليزيا ودول نمور شرق آسيا .. طبقوا " الهندسة العكسية " وده سبب إننا نلاقي لهم منتجات صناعية خاصة بيهم .. وتميزهم