اسرار الهرم

الاهرامات اللغز اللى لسه لغايه دلوقتى محير كتير من علماء الاثار المهتمون بالاثار المصريه وحتى الناس العاديه المهتمه بالاثار برده الموضوع ده هاتكلم فيه عن الالغاز بتاعت الهرم الكبير لأنه بعد ما تقرأ الموضوع ده هاتتأكد انه ما كانش مجرد مقبره للملك خوفوا زى ما كنا بنقول اكيد ده ليه لغز احنا لسه ماعرفناهوش ومن الاول كده انا هاطولشويه و هالت واعجن ف استحملوا بقى 

هانبتدى الاول بشويه مواصفات عنه  

الهرم الاكبر عمره 5000 سنه ,2مليون و600الف قطعه حجر متماسكه من غير اسمنت للمده دى كلها لأوالحجر الواحد مابين 2.5طن الى 15 طن ده غير السقف بتاع حجره الملك قطعه الحجر الواحده فيها 70 طن ارتفاع الهرم 149.4 متر طب الحجاره اترفعت ازاى :

فى نظريه اتفق عليها كتير من العلماء ان علماء العصر ده كان عندهم وسيله سريه و خاصه بيقدروا بيها انهم يلغوا الجاذبيه الارضيه زى ما امريكا بتحاول دلوقتى وقدرت انها توصل ليها ولكن لسه فى البدايه الخاصيه دى من الواضح انهم كانوا وصلوا لدرجه عاليه جدا فى استخدمها 

كمان الموضوع مش بيقف والتساؤلات مش بتنتهى عند ازاى هما رفعوا الحجاره دى الى مبنى يساوى ناطحه سحاب 50 دور لأ لو احنا بصينا على الممرات من داخل الهرم هنلاقى الحجره من الجرانيت مقطعه كأنها مرايه مافيش حته طالعه وحته نازله ده دلوقتى مش بيتعمل عير بالات ضخمه 

الهرم زات نفسه لو قسنا ارتفاعه و محيطه وقسمناهم على بعض بيطلع الناتج 3.14 او ط او باى وكمان فى غرفه الملك المحيط على الارتفاع (بتوع الغرفه ) بيساوى نفس الرقم 3.14 ونفس الكلام لو قسمنا محيط التابوت او الصندوق بتاع الملك نفس الرقم 3.14 حاجه غريبه ومش بس غرفه الملك ده كل غرف الهرم بالشكل ده طبعا الكلام ده اكيييد مش صدفه دول اكيد ناس بتوع رياضيات و هندسه طب هما ليه عملوا كده ده برده لغز من الالغاز 

ارتفاع الهرم زى ما قولنا انه 149.4 متر و المسافه مابين الارض و الشمس 149.4 مليون كيلومتر دى صدفه كده ؟؟؟

طب هما ازاى عرفوا المسافه دى بالتقدير الدقيق وليه عملوه بالقياس ده ده ده برده لغز من الالغاز

اتضح كمان ان مكان الهرم الكبير بيقع فى المنتصف بالنسبه لقارات العالم الخمس هل دى مصادفه 

وجوه الهرم متجهه الجهات الاساسيه (الشمال -الجنوب -الشرق-الغرب) و مش اى شمال ده الشمال المغناطيسى اللى هو بيفرق 4 درجات عن الشمال الجغرافى طب عرفوا ازاى الشمال المغناطيسى (عملوه على بوصله يعنى) قولى صدفه بقى 

الممر بتاع الدخول للهرم بيشير الى النجم القطبى ويوجد داخل الهرم حاجه زى الدهليز (ممر داخلى ) ده بيشير الى نجم الشعرى اليمنيه 

اخر حاجه الهرم ما كانش بشكله ده دلوقتى ولكه كان مغطى بكسوه كده من الحجر الجيرى ولكن حصل زلزال عام 1301م وقع معظم الكسوه دى واللى اتبقى اتسرق واتبنى بيه مبانى موجوده دلوقتى فى مصر القديمه ممكن تشوفوها هتلاقوا المبانى عليها نقوش فرعونيه كده 

انا عاوزك بس تفكر كده وشوف كميه الحاجات الغريبه اللى موجوده فى الهرم زى ليه كميه الغرف اللى موجوده ليه مش واحده بس وليه الممر او المدخل بيشير الى النجم القطبى والدهليز بيشير الى الشعرى اليمنيه وليه وليه وليه . اكيد هاتشك انه كان مجرد مقبره وخلاص ه 

فى شويه نظريات كده بتوضح ايه هو الهرم ده زى فى بعض العلماء بيقولوا انه كان مرصد فلكى والبعض بيقول انه مجرد مقبره للملك خوفوا و لكن اغرب نظريه ظهرت نظريه العالم الفرنسى جارنييه والعالم الانجليزى جريفز ركز ومش عاوزك تفتح 

العالمان دول عملوا ايه قاسوا كل الممرات اللى موجوده فى الهرم والغرف بحاجه اسمها (البوصه الهرميه-دى بتساوى البوصه الانجليزى دلوقتى ) وافترضوا ان البوصه الواحد بتعنى (سنه -عام year ) وعملوا رسم بيانى دقيق للهرم واكتشفوا ان الهرم ده عباره عن زى صحيفه تنبؤات كده بتتنبأ بكل احداث العالم لغايه يوم القيامه (زى فيلم knowing اللى يعرفه 

بناءاُ على الكلام ده قدروا انهم بيتنبؤا بيوم القيامه وان هو هايكون فى سنه 2815 م بناءاً على كلامهم دى احدى النظريات الغريبه اللى اتقالت عن سر بناء الهرم

وطب وليه هما متأكدين اوى ان الهرم الاكبر ده عباره عن مدفن لخوفوا مش معنى انه مدفون فيه يبقى مقبره ليه طب كانوا بيعملوا فيه ايه قبل ما يموت كل ده عشان شافوا كلمه زمان اسمها (خينون خوفو ) افتكروها مقبره خوفو ولكن هى فى الحقيقه معناها فى الهيرروغليفيه (الله جل جلاله ) ف ده ممكن يغير نظرتنا خالص للهرم عن انه مجرد مقبره او اعتقادنا انه مقبره 

طب هو مين اللى بنى الهرم او دى مختلفين عليها برده احنا خدنا ان اللى بناه الملك خوفو و لكن اطلع برا كتاب الوزاره شويه  بعض العلماء بيقولوا ان اللى بنى الهرم العلماء اللى نجوا من القاره الغارقه اطلانطس 

??!! هى مش اسطوره فى ناس بتقول اسطوره ولكن العلم الحديث وجد دلأئل على انها من الممكن انها تكون فعلا كانت موجوده وغرقت خصوصا ان الفيلسوف افلاطون اتكلم عنها فى مذكراته 

غرفه الملك اللى هى موجوده فى الثلث الاول (من فوق) اتضح ان فى نفس المكان االلى فيه تابوت الملك ان حضرتك لو حطيت قطعه لحم مثلا ماتبوظش ولا تتعفن ممكن تنشف شويه ولكن تظل صالحه للاكل نفس الكلام ده لاى نوع من انواع الطعام لو الشراب طبعا وكمان لوحظ ان بذور النبات فى المنطقه دى فى الهرم بتنبت اسرع من التربه اللى فى خارج الهرم كل ده عشان الملك فى حياته التانيه وكمان شفرات الحلاقه بتستعيد حدتها كأنها جديده طب ايه تفسير كل ده ؟!!!!

العالم دربال حب يوضح ايه اللى بيخلى الهرم يعمل كده هو قال من وجها نظه ان الحكايه دى ملهاش دعوه بالهرم ولكنها ليها علاقه بالشكل الهرمى التصميم بتاع الهرم المقاسات بتاعته فقال انه هايعمل هرم من ماده الكارتون بنفس المقاسات ونفس النسب وبالفعل عمله وجاب قطعه لحم وحطها فى التلت الاول من الهرم اللى عمله وسابها الغريب بقى ان قطعه اللحم فضلت زى ما هى نشفت ولكن صالحه للاكل فبكده عرفنا ان الحاجات دى بتحصل عشان تصميم الشكل الهرمى ولكم ليها شروط ان الهرم لازم يكون فى نفس اتجاهات الهرم الكبير (الاصلى) ومتجه للشمال المغناطيسى وكل حاجه

ده مش لغز كده ازاى عرفوا انك لما تعمل المقاسات دى وتوجه الهرم فى الاتجاهات دى هايحصل كده العالم دربال مالقاش تفسير خالص غير تفسير واحد ان الهرم لما يتعمل بنفس المقاسات دى ونفس الاتجاهات بيولد طاقه معينه هى اللى بتعمل الحاجات دى كلها سموها The Energy of form طاقه الشكل الطاقه دى لسه ماعرفوش هى عباره عن ايه لحد دلوقتى وكمان فى طاقه مغناطيسيه بتتولد فى الشكل هى اللى بتخلى شفرات الحلقه تبقى حاده تانى

يعنى كده اللغز مش فى الهرم الكبير اللغز فى اللى صمم الشكل عقليته وصلت ازاى ولا حساباته الرياضيه عرفت تجيب كل ده ازاى ده لغز برده

ولكن اللغز الكبير هو غرفه الاسرار اللى العلماء من كل حته فى العالم هايموته ويكتشفوها منهم من يقول انها تحت غرفه الملكه اللى هى اساسا تحت الهرم ب 60 متر ومنهم من يقول انها تحت ابو الهول وجنب الغرفه دى معبد جنائزى فيه ممرات تحت الارض لكل الغرف السريه والممرات اللى فى الاهرام التلاته

ايه كل ده الناس دول كانوا ايه ايه كل الحاجات ديه وكميه الالغاز اللى احنا بالرغم من تقدمنا الرهيب فى التكنولوجيا بجد عاجزين عن معرفه الاسرار

طبعا كل الاسرار اللى ذكرتهم مش كلهم اكيد فى اسرار تانيه هما لسه مش عارفنها واكيد اكيد اكيد لما يكتشفوا الغرفه السريه هايكتشفوا اسرار اكتر وكتييير من العلماء بيقولوا ان الغرفه دى فيها كل اسرار العلم اللى اتوصلوا ليه فأدعوا انهم يلاقوا الغرفه دى 

فرق جامد بين الجد والحفيد