اخش قسم ايه فى هندسة - تخصصات الهندسة المختلفة

اخش قسم ايه 

طالب هندسة بيمر بأول وأهم صراع ف حياته فى أول سنة من دراسته للهندسة 

اللى عندنا اسمها اعدادى واللى بعدها بيختار الطالب اى قسم يدخله 

ويبقى هو ده تخصصه اللى هيكمل فيه 

وبالتالى دى الخطوة الاولى انه يحدد مستقبله هيمشى ف اى طريق

وبتبقى حيرته كبيرة جدا خصوصا اذا كان مش محدد مسبقا حبه لاى قسم او مجال يكمل فيه ومصمم عليه

 بيسال كتير 

ايه احسن تخصص ف هندسة

ايه اسهل قسم 

ايه القسم اللى له فرص اكتر ف التوظيف 

أسئلة كتير من الشباب اللى ف كليات الهندسة على اختلافها

الأسئلة دى على اختلاف اللى بيسألها

الا انه القاسم المشترك بينهم 

هو حرص كل طالب على انه يختار القسم اللى يضمن له مستقبل وظيفى او علمى جيد ..

وانا هقولكم الخلاصة ... الموضوع مش انك مهندس بترول او مهندس ميكانيكا او مدنى او أيا كان التخصص ...

محدش يضحك عليك ويقولك التخصص الفلانى شغله بالهبل وفلوسه زى الرز ولا التخصص العلانى مالوش مستقبل ....

لان بالمعنى الدارج فيه ناس التراب ف ايدها دهب وناس العكس الدهب ف ايدهم تراب

 العبرة كلها ف الشخصية ... فى الاجتهاد ... فى المكان اللى انت تقرر انك تكون فيه ..

الفكرة ف موهبتك ..فى حبك للعلم ..فى حبك للتخصص... هو ده اللى بيديلك استمارة النجاح فى مجالك ..اللى هيخليك تجتهد وتبدع بحيث انك تكون مطلوب فى سوق العمل ..

خليك دايما الانسان المجتهد المميز اللى عارف هو بيعمل ايه ,, عشان لما يتذكر التخصص بتاعك يبقى اسمك اول اسم ف القايمة والشغل يدور عليك مش العكس

اعرف دايما إن الهندسة مسؤولية قبل ماتكون مصدر دخل - الرزق علي الله والأخذ بالأسباب عليك .. 

دا مقال  عن كل تخصصات هندسة ..والمواد اللى بتغلب على دراسة كل قسم ...بحيث يكون قدامكم قاعده بيانات تساعدكم فى اتخاذ القرار وربنا يوفقكم جميعا ... ونشوفكم كلكم احسن مهندسين ف الدنيا فى كل التخصصات.

ملحوظه المقال مجمع ومش متالف 

عشان كل حد هيعرف يتكلم عن قسمه احسن ما انا اتكلم انا عن كل قسم 

ومتعدل حسب التحديثات 

الاقسام 

الهندسة الطبية 

كتير من بيسأل نفسه يعني ايه هندسة طبية ؟ 

دي جديدة دي لا ياعم انا مش هادخلها انا سمعت إن مالهاش شغل ومستقبلها تعبان

الهندسة الطبية يعني ايه ؟

- يعني احنا بنطور الطب بالهندسة

يعني ايه بردو ؟

- يعني هو خليط بين التقنيات الهندسية والعلوم الطبية والحيوية لتحسين صحة الإنسان – ده كان معناه بإختصار 

نفهم بقي براحة كدة ازاي ده بيحصل ؟

دلوقتي مهندس طبية كمهندس بيدرس ايه ؟

- بيدرس كهرباء وإشارات والإكترونيات وميكانيكا و كيمياء

- وفي الطب بندرس : بيولوجي – فيسيولوجي – تشريح – سيكولوجي

 (Biology – Physiology & Anatomy – Psychology)

طيب ليه بندرس طب ؟ بندرس طب علشان نعرف خصائص الجسم ببساطة ونعرف ال

 Mechanism

 بتاعه بيكون ازاي ؟

ازاي نقدر نربط الإثنين ببعض ؟ هو ده المهندس الطبي ..

بندرس في الهندسة :

رياضيات – فزياء – كيمياء – ميكانيكا – حاسبات – برمجة – تصميم – أجهزة الكترونية ودوائر – هندسة إلكترونية ومعالجات – ديناميكا حرارية – ميكانيكا الموائع – إشارات – تحكم – Microcontroller - قياسات – هندسة كهربائية – موجات كهروميغناطيسية – محاكاه ونمذجة طبية – هندسة اكلينيكية – أجهزة تحاليل حيوية – أجهزة تعويضية – أجهزة طبية – ميكانيكا حيوية – هندسة نظم – ذكاء إصطناعي – أجهزة نووية وإشعاعية – إشارات عشوائية – تنظيم مستشفيات –

ده بإختصار ال بندرسه في جزء الهندسة وقلت جزء الطب

أي حد عايز يعرف حاجة معينة عن المواد دي يتفضل يسأل وسأجيب في التعليقات إن شاء الله ..

ده كدة بالنسبة للقسم كدراسة في مصر ...

طيب المهندس الطبي يقدر يعمل ايه؟ ومش المقصود بالمهندس الطبي ال بيتخرج – المقصود المهندس الطبي ال متخصص في مجال معين في الهندسة الطبية يعني كل واحد وتخصصه الدقيق .

طبعا العملية كالآتي :

- الدكتور يشخص الحالة ويعالجها

- العالِم الطبي الحيوي يحلل الدم ويبحث في كيفية مكافحة المرض ..

- المهندس الطبي هو المصمم للجهاز ال بيستخدمه العالم في تحليل الدم والمصمم لأجهزة التشخيص ال بتساعد الطبيب

 يقدر يعمل أطراف صناعية عن طريق دراسة علم الميكانيكا الحيوية وهو العلم المختص بدراسة حركة الإنسان وطبيعة العظام وقدرات التحكم والمفاصل وتحليل تدفق السوائل منها الدم والدورة الدموية وكل شيء له علاقة بده ويسمي بال

 (Bio-Mechanics)

 يقدر يتحكم في الأطراف الصناعية عن طريق العقل وده يفيد الناس ال عندها أطراف مبتورة وده لسة تحط التطوير – بيدرس الجهاز العصبي بالتفصيل ويقدر يتحكم بالروبوت والأذرع الآلية عن طريق العقل فقط ويساعد في معالجة الحالات العصبية زي الصرع

وده اسمه

 (Neural Engineering) 

وهانتكلم عنه إن شاء الله

 التصوير ومعالجة الصور 

: Imaging and image processing

ده الجزء الخاص بالآشعة بجميع أشكالها (X-rays) علي سبيل المثال ..

بيساعد في تصميم أجهزة الآشعة وتحليل الصور ومعالجتها ويساعد في ده برنامج ال 

(MATLAB)

4- الأجهزة والحساسات : وهي الأجهزة الطبية والحساسات الطبية المسؤولة عن قياس حاجة معينة في الجسم زي الإشارات الحيوية وإشارات القلب وضغط الدم (علي سبيل المثال)

5- الميكروتكنولوجي والنانو تكنولوجي وهنا هاتسمي

 : Bio nanotechnology

ودي بيدرس فيها النانونكنولوجي في مجال الطب والخلايا العصبية وتطوير العلاج للأمراض والخلايا السرطانية والتدخلات الجراحية

6- الإشعاع : مهندس الإشعاع أو قسم ال Radiology

هو متبني الأجهزة التصويرية بجميع أشكالها كإشعاعات وإشارات وموجات تنتج في النهاية تشخصي للأمراض والإصابات زي ال آشعة اكس أو الرنين الميغناطيسي والآشعة العلاجية والنووية زي في أمراض السرطان

7- الروبوت في الجراحة : المهندس ال بيطور الروبوتس سوفت وهارد وير ويخليهم يساعدوا في الجراحة بدون تدخل الإنسان – وأيضا الأذرع الآلية والمساعدين الآليين

8- الطب عن بعد أو معناه الأدق

 (Telemedicine)

المهندس بيكون مسؤول عن توصيل المستشفيات ببعض وقواعد البيانات وتسجيل بيانات المرضي والحالات والمتابعات وصور الآشعة – ومعالجة كل ده علشان يحقق أكبر إفادة للجميع من خلال تبادل الخبرات ودة يساعد جدا في العلاج

9- المهندس الإكلنيكي : يعمل بشكل أوسع في المستشفيات – مهمته معايرة الأجهزة الطبية في المستشفى والتأكد من صلاحيتها وفي بعض الحالات يقوم بإصلاحها .

10- مهندس الصيانة : صيانة الأجهزة الطبية

11- المواد الحيوية : Biomaterials

يقوم المهندس بدراسة المواد الحيوية وشروطها هي أن يتقبلها الجسم وأن تكون غير سامة

ونحتاجها في صناعة المسامير والشرائح والأعضاء الإصطناعية والأطراف والأجهزة المركبة داخل الجسم والدعامات ومعالجة العظام .

12- هندسة الأنسجة : لما الجلد يتحرق أو يفسد بسبب مرض ما يقوم هذا العلم بأخذ عينة كم جلد الجسم ووضعها في المعامل ومعالجتها لتكوين نسيج كامل من الجلد يتم زراعته مرة أخري .

13- بيو ميمس BIO MEMS

Microelectromechanical systems

ويتم فيه دراسة صنع الأجهزة الدقيقة التي تقوم بوظيفة معينة داخل الجسم زي المنظار الكبسولة وهانتكلم عليه إن شاء الله

14- Bio-Inforamtics :

وده شغل الجينات ويوجد هذا الفرع أيضا في كلية الحاسبات والمعلومات يقوم المهندس بدراسة ال

 MCB – Molecular cell biology

والجينات وال DNA ومعالجة البيانات دي بالكمبيوتر ومشهورة لغة Perl البرمجية في المجال ده .

15- تصميم المستشفيات : قبل ما أي مستشفى تتبني لازم التصميم الأولي يكون تحت إشراف المهندس الطبي قبل مهندس العمارة ومدني وبيرسم المهندس التصميم ويجتمع مع المعماري لوضع التصميم النهائي علشان المستشفيات لازم يكون ليها تصميمات مختلفة عن أي مبني تاني وهانتكلم عن الموضوع ده إن شاء الله بردو وعلي سبيل المثال مثلا إختيار أماكن الوحدات الطبية يعني مثلا بردو ماينفعش غرفة العمليات تكون بعيد عن العناية المركزة والطوارئ ماينفعش تبعد عن الآشعة والآشعة ميانفعش تبقي في دور عالي ...

الهندسه الحيوية 

(يطلق عليها أيضا اسم هندسة الأنظمة الحيوية) 

تخصص علمي جديد يتعامل مع هندسة العلميات الحيوية بشكل عام. 

فهو هندسة تطبيقية واسعة الأساس يمكن ان تشمل تصميم منتجات، 

تحسس وتحليل الانظمة الحيوية.بشكل عام المهندسون الحيويون يتعاملون مع الحقول الطبية أو الزراعية

الهندسة المدنية 

الهندسة المدنية قسم شهير من اوائل اقسام الهندسة ,,, وله علاقة مباشرة فى عمران االارض وحياة الانسان وتطورها ..ومهندس مدنى شغله معروف ومستقبل كويس ,,وكمان دراسته شيقة ومجالاته متعدده

هندسة طرق وكبارى ,,انشاءات وتشييد ,,خرسانة ,,هندسة صحية ,,هندسة الرى ,,المساحه ..هندسة المواد

دى كلها شعب داخل مدنى وكلها اختصاصات مهمه ومحتاجها سوق العمل وبتتدرس ككورسات طول الاربع سنين مدة الدراسة وممكن تختار فيها مشروع تخرجك

طبعا المواد الاساسية الرسم الهندسى ... ماده اسمها

 Structure

 ,,, ومن كل قسم بتدرس مادة ..لكن المواد الاساسية اللى هتكمل فى كل السنين تقريبا المادتين دول .. والرسم تقريبا مشكلته اتحلت ببرامج الرسم واشهرها الاوتوكاد

المهندس المدنى هو اللى بيقوم بتصميم وتنفيذ المنشآت والمهندس الشاطر هو اللى يقدر يستغل كل الامكانيات ويوظفها بأقل التكاليف فى ظل ارتفاع اسعار الخامات المستمر ,, طبعا الاشراف على المشروعات والقدرة على التعامل مع العمال لازم يكون ميزة اساسية فى مهندس المدنى لان لازم يفرض شخصيته وكمان احتكاكة بالعملاء والعمال بيتطلب خبرته فى التعامل مع الناس

مهندس المدنى يقدر يشتغل حر او فى مكتب انشاءات او التوظيف فى شركات المقاولات

مجالات شغلك كمهندس مدنى فى الآتى

تصميم المبانى السكنيه

الاشراف على تنفيذ اعمال البناء

اعمال ترميم المبانى القديمه

تصميم الاساسات وقيام بعمل جسات للتربه

تصميم خزانات للمياه

تصميم شبكه مياه والصرف الصحي للمدينه او لقريه

القيام بعمل مساحي لمنطقه ما

عمل خرائط لمناطق مطلوبه

تصميم طرق

تصميم نوع التربه تحت الطريق

تصميم المطارات

تصميم الكباري

تصميم شبكه الري الحديث والتقليدي فى المناطق الزراعيه

عميات للمساحات الكبيره 

تصميم المنشات المعدنيه

تصميم المشروعات المائيه مثل الهدارت والقناطر

الهندسة الجيوتقنية (Geotechnical engineering): 

هي فرع من الهندسة المدنية يهتم بالسلوك الهندسي لمواد الأرض. وتشمل الهندسة الجيوتقنية دراسة الظروف الباطنية والمواد، وتحديد خواصها الفيزيائية أوالميكانيكية والكيميائية المتعلقة بالمشروع المقام، وتقييم المخاطر الناجمة عن ظروف 

الموقع، وتصميم الأعمال الأرضية (earthworks) و أساسات الهيكل، ورصد ظروف الموقع، وبنية الأساس والأعمال الأرضية.

تخطيط عمرانى

 شويه معلومات عن القس 

اول حاجه فى ناس كتير اوى فهمين القسم ده غلط كله فاهم انه قسم لتخطيط المساحات الفضييه بس يعنى مدن جديده وحاجات كده هو فعلا القسم كده بس مش ده بس احنا فى القسم بندرس برده تصميم بيوت وعمارات وفلل وشاليهات

ومدارس 

يعنى القسم ده ممكن تشتغل منه تخطيط وتصميم وتنفيذ كمان يعنى)التخطيط عباره عن تحسين الوضع الراهن مع مراعاه المستقبل عن طريق وضع خطة لتحقيق أهداف المجتمع ويتعلق التخطيط بجميع النواحي الحياتيه سواء اقتصاديا او سياسيا او اجتماعيا او بيئيا-طب هو المخطط ده ياجدعان شغلته ايه ف البلد يعني ها ؟مهندس التخطيط عموما بتبقي وظيفته كالاتي تخطيط القري والمدن والمجاورات وكذلك اعاده تخطيط وتنظيم وهيكله المناطق القديمه واحياؤها وكذلك تصميم المسطحات الخضراء وتنسيق الحدائق وتجميلها وتنسيق الفراغات والميادين ال جانب دراسه العماره ولكن المعماري ليس اساس القسم وكمان ممكن تاخدلك كورس خرسانه وتبقا انت كده فله وتشتغل مكان اي مهندس تنفييذي وتصميم وتخطيط بتاع كله يعني-طب ايه الفرق يعني بين تخطيط وعمارة ؟الفرق يا سيدي بين عماره وتخطيط ان المهندس المعماري بيهتم بالرسومات والتفاصيل الداخليه داخل كيان المبني ذاته اكثر ولكن مهندس التخطيط بيبقي عنده حلقه الوصل بالاهتمام بما بين داخل وخارج المبني فعشان كده بيبقي في الكثير من المواد المشتركه بين طلبه قسم عماره وقسم تخطيط-طب انا خلااااااااااص اقتنعت يا رجاله وهدخل تخطيط اعمل ايه بقا علشان ابقا مميز ومبدع فيه ؟علشان تكون مبدع في القسم ده لازم يكون عندك صبر واراده والبحث دوما عن معلومات باستمرار في المكتبات او عالنت ثم الحضور والحضور والحضور وقوه الملاحظه يعني تحاول تستفيد من كل حاجه عينك تقع عليها سواء حلوه تزودها او وحشه تطورها وتجملهاوتديها كورسات ودورات طبعا ع قد ما تقدر-طب كورسات ايه اللي هحتاجها ف القسم بقا ؟بووووووووص يا سيدي وياستي الكورسات كتير وهتتتاخد بالتدريجيعني ف كورسات هتحتاجها ف الاول زي الاتوكاد والفوتشوب وف كورسات برامج الثري دي ودي هتحتاجها قدام شويهودي اشهر البرامج اللي هتحتاج فيها كورسات

Autocad - Photoshope - Gis - 3D Max - Revite - Google shetch up

الهندسة المعمارية 

الهندسة المعمارية هى فن الجمال ..عشان تدخل عمارة لازم يكون عندك حب للجمال والابداع وقدرة على الخيال,,,

وبتحب الرسم 

عمل المهندس المعمارى عملية ابداعيه ازاى تطوع كل القدرات الهندسية اللى عندك عشان تطلع نتيجة جميلة 

هو مكمل لعمل المهندس المدنى ...يعنى مهندس المدنى يبنى والمعمارى يشطب ..الشغل بيبقى كمهندس تصميم .. وكمان بيهتموا بترميم المبانى التراثية ...

الدراسة اغلبها فى عمارة عبارة عن ورش ودراسات على الموقع وكمان لازم فى عمارة يكون المهندس ملم بالثقافة فى البلدان والحضارات

والعلوم والتكنولوجيا والبرامج الجديدة وكمان ملم بقواعد الفيزياء والرياضيات ..لان المطلوب منه التعامل بذوق وفن مع المعطيات اللى قدامه لانتاج افضل شكل ممكن ..

ودى المهام المطلوبة من المهندس المعمارى

التصوّر والتّصميم والابتكار في ميدان الفنّ المعماري انطلاقاً من التّراث الوطني والعالمي.

إنجاز مشاريع البناء وتقويمها.

إرشاد وتوجيه الأفراد والمؤسّسات لإنجاز مشاريع بناء.

التّنسيق مع المهندسين لإيجاد الحلول التّقنيّة في ميادين شتّى مثل الهندسة المدنيّة والأسمنت المسلّح واستعمال مختلف المعادن.

امتلاك وسائل الإقناع الشفهيّة والكتابيّة والمرئيّة للدّفاع عن المشروع.

القدرة على العمل مع فريق متعدّد الاختصاصات سواء في القطاع الخاص أو

العام.

وعشان تكون مهندس معمارى ناجح لازم يكون فيك المواصفات دى

محب للتصميم بشكل عام.

لك ميول فنية و لو بسيطة.

مبدع في تفكيرك، قادرعلى التفكير بمشاريع معمارية بطرق مختلفة.

حبك للمطالعة .

دقيق، لمٌاح

يعنى م الاخر بتحب الرسم والروقان وخيالك واسع اتوكل على الله وادخل عمارة وربنا يوفقك 

الهندسة الكهربية 

طبعا فى غنى عن تعريف اهمية الكهرباء او مهندس الكهرباء فى حياتنا ... 

والكهرباء فى اساسها علم يعتمد على الفيزياء ... يعنى عشان تدخل كهربا لازم تكون متميز وبتحب الفيزياء والرياضيات .. لانهم اساس الدراسة فى القسم

اقسام الهندسة الكهربية ..

1-الاتصالات و تتابع الاشارات

2-التحكم

3-القدرة

4-الالكترونيات

القسم الاول:الاتصالات و انظمة تتابع الاشارات(اي نظام كهربائي يولد ، يوصل ، يخزن و يتابع المعلومات عن الاشارات)

مجالات الدراسة:

1-الموجات الكهرومغناطيسية

2-الهوائيات(اجهزة الاستقبال و الارسال)

3-تقنيات نقل المعلومات

4-الاتصالاات الرقمية و غير الرقمية

5-الهواتف الخلوية

6-تتابع الوسائط المتعدد و التشفير

7-الشبكات

من دراستك فى القسم ده هتقدر تعرف عن الهاتف والفاكس والراديو والتليفزيون والانالوج والديجيتال والانترنت والستالايت والرادارات

القسم التاني:انظمة التحكم ( او اي نظام يستخدم اشارات كهربائية ليتحكم بعملية صناعية او بتطبيق ما)

مجالات الدراسة:

1-نظرية التحكم

2-التحكم بالعمليات

3-تصميم المتحكمات

4-الانسان الالي

5-تطبيقات في العمليات الصناعية

ومن خلال دراستك هتقدر تعرف عن الروبوتات والطائرات بدون طيار وازاى بيتغير معدل الحرارة والضغط فى مصافى النفط..

القسم التالت :أنظمة القدرة (او اي نظام كهربائي يولد ، ينقل الطاقة الكهربائية)

مجالات الدراسة:

1-توليد القدرة

2-المكائن الكهربائية

3-الالكترونيات المختصة بالقدرة

ومن خلال دراستك هتعرف عن توليد الطاقة بالطرق المختلفه وازاى بيتم نقلها 

القسم الرابع:الالكترونيات(يهتم بالتصميم و تحليل و تصنيع الدوائر الالكترونية و مكونات الانظمة الكهربائية)

مجالات الدراسة:

1-المكونات الاساسية للدوائر الالكترونية

2-تصميم و تحليل الدوائر الالكترونية

3-الدوائر ذات الحالة الصلبة

4-انظمة الشرائح الذكية

5-الالكترونيات البصرية

بعد دراستك للالكترونيات هتقدر تعرف عن الأجهزة الذكية وتوليد الطاقة من الشمس والبطاقات الذكية والحواسب وكل الثورة الالكترونية اللى بنعاصرها ..

طبعا مجال عمل مهندس الكهرباء واسع جدا من محطات القدرة وتوليد الطاقة للمصانع والشركات وحقول البترول والاتصالات والصناعات الالكترونية وتنظيم المعلومات ومعاهد الأبحاث .. واللاسلكى وشركات التصميم ده غير التسويق والادارة .. مجال واسع جدااااا

يعنى من الاخر بتحب الفيزياء والرياضيات وكنت بتحب الكهربية ف اعدادى اتوكل على الله وادخل كهربا وربنا يوفقك

الهندسة الالكترونية 

الهندسة الالكترونية هى التى تهتم بدراسة تأثير الإليكترونيات والأجهزة على المعدات والأنظمة الصناعية الحديثة ، ويعتبر 

هذا التخصص فرعاً من فروع الهندسة الكهربية ، وظل يدرّس ضمن هذا التخصص ، إلى أن استقل بحد ذاته ، وأصبح تخصصاً هندسياً منفرداً..

علم الإليكترونيات بصفة عامة ، يهتم بدراسة المكوّنات الأساسية فى الدوائر الكهربية مثل المقاومات والملفات والمكثفات ، إلى جانب كافة العناصر المرتبطة به ، من أشباه الموصلات والدوائر المتكاملة والترانزستورات وغيرها..

المحتوى الدراسي :

المقررات الدراسية التى يدرسها الطالب فى هذا التخصص ، تتنوع كثيراً مابين أقسام الهندسة الكهربائية والميكانيكية ، بالإضافة الى أساسيات الهندسة الإليكترونية نفسها..من ضمنها :

المعدات والأنظمة الاليكترونية

الموصلات وأشباه الموصلات

الدوائر الكهربائية

الميكاترونيات ( الهندسة الميكانيكية + الهندسة الاليكترونية )

الترانزستورات

أنظمة القياس والتحكم والمراقبة والإنذار

التحكم الآلي والإتصالات

العلوم ذات الصلة ( الرياضيات – الفيزياء – الكيمياء – الحاسوب )

وغيرها العديد من المقررات الدراسية التى يدرسها الطالب فى هذا التخصص ، والتى تتدرج بالبدء من العلوم الأساسية ، وتنتقل الى مبادئ الهندسة الكهربائية والميكانيكية ، قبل التركيز على دراسة التخصص الدقيق فى الهندسة الإليكترونية..

المهام الوظيفية :

المتخصص فى الهندسة الإليكترونية ، يجد امامه سوقاً وظيفياً واسعاً ، ومتعطشاً بشدة الى مهندسي الإليكترونيات ، لما لهذا القسم من أهمية قصوى فى كافة الصناعات والخدمات المختلفة ، بلا استثناء..

من المهام الوظيفية التى يقوم بها المهندسون الإليكترونيون :

القياسات والتحكم والصيانة فى مجالات النفط والغاز

محطات توليد الطاقة ومراكز قيادتها

محطات الإذاعة والتلفزة ، في أقسام هندسة الصوت ومعالجته ، وتصميم تجهيزات الاستوديوهات واجهزة الارسال والاستقبال

شركات الاتصالات التقليدية والنقالة

المستشفيات ، ويكون دوره تجهيز المجالات الاليكترونية من اتصالات وتجهيزات طبية لمراقبة المريض

المجالات العسكرية والمدنية

شركات تطوير الحاسوب وتصميمه وصيانته...

الهندسة الإلكترونية فى منوف

هى كلية الهندسة الوحيدة فى الوطن العربى وافريقيا المتخصصه بقسم واحد فقط من علوم الهندسة وهو فرع الالكترونيات والدراسة فيها مختلفه نوعا ما عن باقى القسام فى هندسة ..لانك بتدرس دراسة عامة فى الالكترونيات اول 3 سنين ف الكلية بعدها بتتخصص سنتين بواحد من 3 أقسام تخدم في مجال هندسة الاتصالات والتحكم أوالإلكترونيات الصناعية أوهندسه وعلوم الحاسب ,,

فى التلت سنين الاولى فى الكلية بيقوم قسم مختص بالفيزيقا والرياضيات الهندسية بالاشتراك مع الاقسام الاخرى بتدريس بعض المواد للطلبه وتأسيسهم فيها للاستعداد للتخصص والمواد هى

الفيزياء – الرياضيات مستوى أول – تكنولوجيا ورش – كيمياء هندسية – ميكانيكا – رياضيات مستوى ثان – فيزياء الجوامد – رياضة هندسية – هندسة بيئية .

كما تقوم الأقسام المتخصصة الأخرى بالمشاركة فى تدريس المواد الأساسية التالية للفرق الإعدادية والأولى والثانية وهى :

هندسة كهربية – رسم هندسى – هندسة وصفية – مدخل هندسى – مبادئ إلكترونيات – نظرية دوائر كهربية – تحكم آلى – تكنولوجيا الإلكترونيات الدقيقة – هندسة إلكترونية – ورش لاسلكى – أجهزة قياس كهربية – تشغيل حاسبات .

بعد كدا بيتخصص الطالب فى واحد من الأقسام التلاته

بالنسبة للمواد اللى بتتدرس فى قسم الاتصالات :

(نظم الاتصالات – تخطيط شبكات الاتصالات – السنترالات – الصوتيات – نظرية الشبكات والدوائر الكهربية والإلكترونية – أجهزة القياس المتخصصة – دوائر فتح وقطع – تكنولوجيا الدوائر المتكاملة – الإلكترونيات – رسم العناصر والدوائر الإلكترونية – هندسة التردد العالي – هندسة الهوائيات – الهندسة التليفزيونية – نظرية المجال- اللاسلكي السيار – هندسة الاتصال بالأقمار الصناعية - الاتصالات البصرية – الاتصالات الرقمية – نظرية المعلومات والشفرة) .

أما قسم هندسة الإلكترونيات الصناعية والتحكم

يقوم هذا القسم بتدريس المواد التالية :

( الهندسة الكهربية – هندسة التحكم الآلى – هندسة القوى والآلات – القياسات الكهربية – القياسات الإلكترونية والصناعية – نظم التحكم الخطية – الحاكمات الدقيقة – نظم التحكم الاخطى – الإلكترونيات الصناعية – نظم التحكم الرقمية – الإلكترونيات الطبية – حاكمات قابلة للبرمجة – دوائر إلكترونيات القوى – نظم تحكم الزمن الحقيقى – أجهزة طبية – نظم التحكم الصناعية – تطبيقات الإلكترونيات الصناعية – نظم التحكم الذكية – بناء حاسبات – نمذجة ومحاكاة نظم التحكم – روبوتات – ميكاترونيك – إشارات فسيولوجية – العمليات العشوائية – معالجة الإشارات الطبية – نظم التحكم الحديثة – اتصالات بيانات ومواجهة النظم- أشعة مؤينة وغير مؤينة – حاكمات قابلة للبرمجة متقدمة وتطبيقاتها – استخدام البرمجيات فى التحكم – التصوير الطبى – استخدام شبكات الحاسوب فى التحكم ) .

واخيرا قسم هندسة وعلوم الحاسبات

والقسم يعتبر من أحدث أقسام الكلية إلا أنه يتحمل مسئوليات جسام فى تخريج مهندسين أكفاء فى مجال الحاسبات الإلكترونية نظرياً وعملياً .

ويقوم القسم بتدريس المقررات التالية :

( هندسة الحاسبات – بناء الحاسبات – الحاسبات الدقيقة وتطبيقاتها – نظم تشغيل الحاسبات – قواعد البيانات وتطبيقاتها – شبكات الحاسبات – هندسة البرمجيات – النظم الخبيرة والذكاء الاصطناعى – الحاسبات المتوازية والضوئية – الرؤية والرسومات بالحاسب – الميكروكنترولر وتطبيقاته – النظم الزمنية – أمن الشبكات وتشفير المعلومات ) . كما يقوم القسم بتدريس مناهج السيسكو نظرياً وعملياً كما أدخل حديثاً دراسة الـ FPGA ولغة الـ VHDL نظرياً وعملياً

ويشغل خريجى هذا القسم وظائف حساسة فى قطاعات مختلفة فى المجتمع مثل إنشاء وتشغيل الشبكات السلكية واللاسلكية سواء الخاصة أو فى القطاع الحكومى – تصميم المواقع – عمل قواعد بيانات للمستشفيات والصيدليات والبنوك والمدارس – تصميم البرمجيات اللازمة لنقل الوسائط المتعددة – تشفير الشبكات السلكية واللاسلكية – تطبيقات الميكروكنترولر فى مختلف المصانع – تنفيذ وتشغيل برمجيات الشركات الكبرى مثل ميكروسوفت ، أوراكل وسيسكو . وحل مشكلات البرمجة فى شركات المحمول والمطارات والشركات الكبرى .

هندسة الحاسبات

هى إحدى فروع الهندسة الكهربائية وهو الاختصاص الذي يجمع بين الهندسة الإلكترونية وعلوم الحاسب .

مهندسو الحاسوب هم عبارة عن مهندسو إلكترونيات أساساً، ولديهم معلومات إضافية وتدريب

وخبرة في مجال تصميم البرمجيات والعتاد الصلب للحاسوب، خصوصا في مجال تكامل البرمجيات مع العتاد.

يشارك مهندس الحاسوب في جميع مجالات الحوسبة من تصميم المعالجات الصغرية،

والحواسيب الشخصية والحواسب الفائقة وحتى تصميم الدارات والشيبات بالإضافة لتكامل الأنظمة الحاسوبية مع أنواع أخرى من الأنظمة (مثل المركبات ذات المحركات والأنظمة الرقمية). يساهم مهندسو الحاسب 

icl 

أيضاً في كتابة الشفرات البرمجية البرمجيات المضمنة للمتحكمات الصغرية ذات الزمن الحقيقي،

وتصميم شيبات VLSI، والعمل على الحساسات التماثلية، وتصميم أنظمة التشغيل وحتى لوحات الدارات والروبوتات

هندسة البرمجيات (Software engineering) 

هي مهنة تهتم بتطوير وتصميم البرمجيات عالية الجودة آخذة بعين الاعتبار تخصيصات المستخدم ومتطلباته على جميع المستويات. تهتم هندسة البرمجيات بتكوين البرنامج منذ مراحله الأولى أثناء تحليل المشكلة ومن ثم التصميم وكتابة البرنامج حتى القيام بتجريبه واختباره وتنصيبه على الأجهزة والقيام بعملية صيانته. وهي حديثاً يمكن أن تنقسم لقسمين الحوسبة اللينة والحوسبة الصلبة

هندسة تقنية المعلومات

تقنية المعلومات (Information Technology)

بشكل عام هو علم يدرس في مختلف الجامعات والكليات طبقاً لنظامها، في بعض الدول العربية هو قسم ملحق بكلية الهندسة أي أن الطالب يدرس إلى جانب المواد التخصصية لهذا التخصص مواد هندسية مثل كهربا- رياضيات – فيزياء وخلافه ، أما في أغلب دول أوروبا والدول المتقدمة هو جامعة قائمة بحد ذاتها تحوي العديد من الأقسام الفرعية

متفقين أنها هندسة ؟ نبدأ نقول ما هي تقنية المعلومات أصلا !!؟

من ترجمة المصطلح:

Information تعني معلومة .

Technology هي تكنو يعني تقنية أو فن التسخير أو فن الاستفادة يختلف من مرجع لأخر، وlogy الكلمة اللاتينية المشهورة إلي معناها علم ..

تقنية المعلومات هي استخدامك اللابتوب أو الموبايل أو الجهاز الالكتروني ألي فاتح منه موقع الفيس بوك الأن تقرأ كلامي وفاتح تتصفح فيه Grow up your mind ! وهي الفايدة ألي تستفيد منها الان وان تقرأ !

هي بمفهومها الأكاديمي طريقة ترتيب وهيكلة "البيانات" العشوائية الكثيرة في صورتها الخام وتحويلها الى "معلومات" يستفيد منها الناس ، ثم استخلاص "معرفة" من هذه المعلومات ليستفيد الجنس البشري ويصل "للحكمة" !!

نعم !؟

ناخذها مثال ..

مثلا لو عندي شركة فيها عدد من أسماء الموظفين ، أسماء الموظفين تكون بيانات ، كل موظف له راتب .. له تاريخ تعيين، سنوات خدمة .. الخ ، كلها هذي نسميها "بيانات" الموظفين ! مش مفيدة كثير ! لكن لو اجيت أحاول اعمل فرز لهذي البيانات مثلا كم عدد الموظفين الخبرة ألي لهم فوق 3 سنوات مثلا هنا أكون تحصلت على "معلومة" ! لما أجي مثلا اعرف نسبة الموظفين الخبرة ذول وكيف ممكن استفيد منهم في تحسين شركتي التحسين هذا يكون "معرفة" ! ولما اطبق الكلام ذا وعمل شركتي يزدهر ويتحسن ويصير تجربة ممكن تعميمها مثلا في شركات أخرى هنا أكون وصلت "للحكمة "

ظهر هذا العلم المحسوب على التخصصات الهندسية ، باعتباره أحد أفرع هندسة الكمبيوتر والحاسوب ، بهدف فهم وإدارة التقنية المعلوماتية داخل المؤسسات..ومن ثم تطور وانتقل من هيئته الهندسية الى الهيئة الإدارية أيضاً ، ويتم تدريسه فى جميع الجامعات الكبرى حول العالم ، باعتباره فرعاً مشتركاً بين الهندسة والإدارة..

تكنولوجيا المعلومات يعتبر من أهم التخصصات الحديثة على الإطلاق ، والتى تلقى قبولاً هائلاً من ناحية الطلاب والمؤسسات التعليمية والتوظيفية على حد سواء ، لأنه لا تكاد تخلو مؤسسة ما ، مهما كان مجالها..لا تكاد تخلو من هذا التخصص الهام والمحوري..

المحتوى الدراسي :

يدرس الطالب فى هذا التخصص ، مجموعة واسعة من المناهج الدراسية التى تصب جميعها الى اخراج متخصصين أكفاء يستطيعون آداء المهام المنوطة حول أخصائي تكنولوجيا المعلومات ..من ضمن هذه المقررات :

أساسيات تكنولوجيا المعلومات

علوم الحاسبات وهندسة الكمبيوتر

ادارة قواعد البيانات والشبكات

الادارة الالكيترونية والمعلوماتية

مجالات الاتصالات وبرامج الحوسبة

ادارة الأنظمة المعلوماتية والشبكية

إلى جانب العديد من المقررات الدراسية التى تحمل طابعاً تجارياً ومالياً ، كنوع من تدريس كافة المجالات التى من الممكن أن يعمل بها متخصص تكنولوجيا المعلومات ، بعد تخرجه..

المهام الوظيفية :

يجد المتخصص فى مجال تكنولوجيا المعلومات نفسه فى بحر من الفرص الوظيفية ، لا ينضب أبداً بسبب الإقبال الكبير من كافة المؤسسات بمختلف مجالاتها ، في توظيف خبراء ومتخصصين فى هذا المجال..

من ضمن المهام الوظيفية التى يقوم بها المتخصص فى تكنولوجيا المعلومات :

تخطيط وتطبيق تقنيات التكنولوجيا الرقمية لتلبية الأهداف المؤسساتية

استخدام ومتابعة احدث تقنيات نظم المعلومات

ادارة وتصميم الخطوات التنفيذية لمشروعات تكنولوجيا المعلومات فى الهيئات المختلفة

استخدام تطبيقات هذا التخصص فى الاتصالات ونقل البيانات

التخطيط الإستراتيجي لنظم المعلومات

تطوير نظم المعلومات بشكل إداري وهندسي

مدير إدارة نظم معلومات

مدير تنفيذي لإدارة تكنولوجيا المعلومات

متخصص تسليم برمجيات.

هندسة الأنظمة أو هندسة النظم

 (Systems engineering) 

هي فرع في الهندسة يدمج مبادئ من عدة علوم لدراسة كيفية تصميم وإدارة الأنظمة الهندسية المعقدة. حيث تغطي هندسة النظم مجالات مثل اللوجستيات والتنسيق بين الفرق العاملة والتحكم الآلي بالآلات وهي مجالات يصبح التعاطي معها أمراً صعباً عند التعامل مع مشاريع هندسية معقدة.
وبذلك فإن هندسة النظم تمتد لتشمل الفروع التقنية والبشرية ذات العلاقة، مثل هندسة التحكم، الميكاترونكس، الهندسة الصناعية وإدارة المشاريع .

الهندسة الميكانيكية

هندسة الميكانيكا هى القسم ((الجوكر)) بالنسبة لكل اقسام هندسة لانه يعتبر الفرش الاساسى لكل المشاريع ,,يعنى بناء كهرباء محطات قوى محطات بترول طيران صناعه اى عمليات انتاجيه بتحتاج مهندس الميكانيكا ,,

والقسم بيهتم بتدريس المواد اللى بتخدم الانتاج والصناعه فى كافة المجالات .. يعنى تصميم تشغيل صيانه تطوير المعدات بالاضافه لعمليات التصنيع المختلفه ومراقبة الانتاج والجودة ..ده كله شغل مهندس الميكانيكا

اهم المواد اللى بيتم تدريسها ف الهندسة الميكانيكية

إنتقال الحرارة

التصميم الميكانيكي

الإهتزازات الميكانيكية

ميكانيكا الآلات

ميكانيكا الموائع

ده بالاضافه لدراسة طرق التصنيع واجزاء المعدات والالات وميكانيزمات الحركة وطرف تصميمها وتعديلها وتطويرها باستخدام الطرق العادية او الحاسب الالى ,, قطع المعادن وتشكيلها وكذلك الخواص الميكانيكية للمواد ودراسه تأثير الاجهادات والظروف المختلفه عليها ودى مواد دراسية تقيله تحتاج اجتهاد وتدريب كتير

هندسة الميكانيكا لها شعبتين أساسيتين بيتم التخصص فيهم بعد سنتين ف القسم العام وهما ((ميكانيكا انتاج وتصميم - وميكانيكا قوى ,, باور ,,)) بيتم ف خلال السنتين دول التركيز على مواد التخصص اللى بتبقى ف حالة هندسة الانتاج مواد التصميم وقطع وتشكيل المعادن وفى حالة ميكانيكا باور بتبقى ميكانيكا الموائع والتبريد والتكييف وبتبقى فيه مواد مشتركة لكن كل قسم بيدرسها من وجهه نظره وبالشكل اللى يخدمه اكتر زى مواد التحكم والاهتزازات ..

فرص العمل بالنسبة لمهندس الميكانيكا كبيرة والمجالات متعدده ويعتبر من اهم التخصصات الهندسية المطلوبة ف الوقت الحالى ف كل المجالات ... الاهتمام بالدراسة والتدريب الصيفى بالذات والزيارات المتعدده للمصانع والمحطات والتدريب فيها هيديلك خبره كويسة جدا وكذلك الاهتمام ببرامج الكومبيوتر اللى بتخدم التخصص بتدى المهندس أفضلية كبيرة ف مجال العمل وفرص أفضل ف الحياة العملية ..

الميكاترونكس 

الميكاترونكس فن صناعة الآلات والمكائن ومنظومات الإنسان الآلي ومنظومات الآليات الذكية للأنظمة الصناعية أو الظروف العملية .. وهو فرع حديث نسبيا بالنسبة لفروع الهندسة وبدأ فى الياب 

ورغم حداثته الا انه انتشر بسرعه جدا لانه فرع بيلبى احتياجات العالم المتنامية والمتسارعه فى طفرات صناعيه وعلمية تساعد على الانجاز ..والميكاترونيكس بيربط بين عده علوم وتخصصات فى فرع واحد وهى الميكانيكا والكهربا والالكترونيات البرمجة وهندسة التحكم والتصميم ,,,طبعا واضح ان دراسة مهندس الميكاترونيكس بتبقى دراسه موسعه لمواد تشمل كل التخصصات اللى بتشترك فى القسم ده ... ولازم يكون عنده علم واطلاع على كل التخصصات التانية او على الاقل عنده قابلية لدراسة مواد تتعلق بالاقسام دى ... دراسة ميكاترونيكس دراسة ممتعه وشغله مجال واسع لأن له علاقه بالآتى أجهزة الطباعه والاستنساخعقول السيارات وانظمة السيطره الحديثه فيهااجهزة قراءة البطاقات الالكترونيهالبوابات الاليه وكتير من التطبيقات التي تدخل فيهاالمتحسساتالاجهزة المؤتمته الموجوده في ابسط المصانعالات السي ان سي الغسالات الاوتوماتيكيهوحتى في العاب الاطفال ... طبعا المجالات اوسع بس دى المجالات المتوفرة فى عالمنا العربى بكثرة 

الهندسة الصناعية 

لحد وقت قريب كانت الهندسة الصناعيه شعبة من شعب قسم الهندسة الميكانيكية ومع زيادة التطور الصناعى وظهور مفاهيم جديدة مهمة على الساحه انفصل القسم ده عن ميكانيكا وبقى قسم مستقل بذاته ..نظرا لأهميته

ومهندس الصناعيه ..مهندس بيهتم بكل عناصر العملية الانتاجية من المكان للالات للعمال للسوق للمواد الخام وللمنتج يعنى ملم بكل جوانب العملية الصناعية وبيطبق العلم للوصول لاقصى استفادة ممكنة وعندنا ف مصر اسمه مهندس جودة

ومهمته دراسة المنتج من حيث احتياج السوق والتصميم وأبحاث التسويق وتكاليف الانتاج والعمالة بالاضافه لعمليات الانتاج والفحص وضبط الجودة ووضع اساليب الرقابة واخذ العينات ..

مهام مهندس الصناعيه

اختيار المكان

تحليل واختيار الموقع الأمثل للمصنع أو العمل أو مكان الخدمة.

تصميم خطوط الإنتاج والموقع

تخطيط حركة الإنتاج ومواقعها.

تحليل توازن خطوط الإنتاج والتجميع.

تحديد مراكز العمل والأنشطة المساندة للإنتاج

تحديد متطلبات المبنى وخدماته ومنافعه لعمليات الإنتاج والعوامل الإنسانية ومتطلبات السلامة.

تحديد متطلبات الصيانة للمعدات والأدوات والموقع.

التخطيط لإيجاد معدلات الإنتاج بواسطة طرق التخطيط على المدى المتوسط.

وضع جداول الإنتاج.

مراقبة مخزون المواد الأولية والمنتجات النهائية.

تحديد أساليب الرقابة على الإنتاج وأداء العمالة.

تحديد أساليب الرقابة على جودة المنتج.

المواد الدراسية تصميم وادارة والاحصاء وبحوث عمليات وهندسة العوامل البشرية ونظم المعلومات الصناعيه ..

لو كنت شايف نفسك فى المهام دى اتوكل على الله وادخل صناعيه فرصهم فى الشغل متميزة ومهندسين الجودة حاليا لاغنى عنهم فى اى مصنع.

هندسة الطيران

قيمة وسيما ومجال مهم والحاجه اليه بتزيد يوم عن يوم ..وهى فرع من الهندسة الميكانيكية لكنه اصبح قسم مستقل بذاته ,,, ومستقبله إن أجدته هيبقى متميز باذن الله 

ومهندس الطيران بيقوم بدراسه كل ما يتعلق بالطيران و محركات الطائرات , بالاضـافه الي دراسه كيفيه تصميم الطائرات و اختيـار المحرك المنــاسب لكل طــائره..وطبعا ده بالاضافه للمواد اللى هتخدم القسم من التخصصات التانية لان هندسة كلية عامة وشاملة ..ولازم المهندس النـاجح يعرف المبـادي الاسـاسيـه عن كــل شــي , و يتخصص في شي واحــد .

والطالب بيدرس فى هندسة الطيران مواد أساسية من الاقسام التالية بتفيده ف مجاله

هنــدســه الاتصــالات .

هنــدســه الحـاســب .

هنــدســه ميكانيكا قوي .

هنــدســه تبريد و تكييف .

هنــدســه انتـــاج .

ودى المواد الأساسية اللى بيتم دراستها فى هندسة الطيران

1.Aerodynamic ... 

وهي علم ميكانيكا الهواء ودراسه القوي الواقعه علي جسم الطائره

2.PROPULSION ... 

و هي علم الـدفع للمحركــات

3.STRUCTURE ...

 و هو علم دراسه جسم الطائره و معرفه القوي الواقعه علي كل جزء بــه .

4.PERFORMANCE... 

و هو علم اداء و كفاءه المحرك و نسبه الاستفاده منه .

5.CONTROL ...

و هو علم يدرس جميع الدوائر المتحكمه في الطائره , سواء كانت ( كهربيه – هيدروليـكيـه – رقميـه – هوائيـه - ....... ) بالاضافه لمواد التصميم والتجميع والرياضيات والفيزياء

والهدف من الدراسة طبعا

اخراج مهندس صيانه هيكل و محرك للطــــائرات .

وتعليم المبادي الاساسيه لتصميم الطائرات بشكل علمي و هندسي ,, و ينقص التدريب العملي في احدي الشركات التي تصمم عمليــا الطــائــرات...

الهندسة النووية 

هو طبعا من احدث واخطر المجالات الهندسية لارتباطة بالمجال العسكرى والتسليح ,,, والقوة التدميرية 

لكنه فرع هندسى يختص بدراسة استخدام الطاقة النووية ونظرياتها فى التطبيقات العلمية والمدنية والعسكرية والصناعيه ,,طبقا للمؤسسة اللى بيشتغل فيها المهندس النووى

يدرس الطالب في تخصص الهندسة النووية ، مجموعة من المقررات الدراسية شديدة التخصص والاهمية ، والتى بتمكنه بعد كدا من استخدامها فى بناء وتفعيل النظريات التى درسها ، في المجالات المختلفة اللى تحتاج التخصص ده

ومن ضمن المقررات الدراسية :

•اسس الهندسة النووية

•بناء وتصميم المفاعلات النووية

•دراسة المواد المشعة والنظائر

•الوقاية الإشعاعية

•التخطيط لمشاريع الطاقة النووية

•التشخصيات الاشعاعية

•التأثيرات الاشعاعية فى المجال الصحي والبيئي

•التصوير والتحليل الإشعاعي

ودى مجالات شغل المهندس النووى

•الهيئات الوطنية العسكرية

•المفاعلات النووية لتوليد الطاقة الكهربية

•المراكز البحثية العلمية التى تستخدم الطاقة النووية

•المراكز الطبية التى تعتمد على الطاقة النووية فى كثير من تطبيقاتها

•الهيئات المتخصصة بالكشف عن المعادن المختلفة بكافة تطبيقاتها

•هيئات مكافحة تلوث البيئة ، ورصد الإشعاع النووي

•المؤسسات الامنية المسؤولة عن الكشف عن المواد النووية

•المراكز الجيولوجية المتخصصة في التنقيب عن النفط والمعادن

الهندسة النووية فرع من هندسة اسكندرية ولو مهتم بالمجال ده وتحب تشتغل فيه تقدر تكمل دراستك هناك . 

الهندسة الزراعية

 قسم هندسى ... زى تخصص الطبيه ..مكنتش فى طب ليه لا سمح الله ؟؟ وان فى معظم دول العالم انت كيان مستقل بذاته او تابع لكليه الهندسة 

تؤمن من جواك انك مهندس وان تخصصك بيفيد فى مجال الزراعه ..وده ميقللش منك ابدا .. بالعكس انت كده بتفهم فى مجالين مختلفين تماما ..لانك بتاخد 70 % مقررات هندسيه و 30 % مقررات زراعية واحنا بلد زراعى اصلا .. ومصر هتقوم بالاتنين الزراعه والصناعه ..يعنى انت مشروع مصر القومى يا هندسه 

تالت حاجة ناس هتقول ايه الفرق بينك وبين المهندس الزراعى ... الفرق ان المهندس الزراعى بيدرس 90 % مواد زراعيه انت بتدرس 30 % فقط ...الفرق انك بتاخد مواد هندسيه على ايد دكاتره منتدبين من هندسه ... الفرق ان حضرتك بتفهم فى الالات و الرى والشبكات والانظمه .... واحنا عمرنا ما نقلل من المهندس الزراعى .. بس كل واحد وله تخصصه ومجاله ..ولولا المهندسين الزراعين ..مكناش دلوقتى بناكل .. وكذلك الفلاح

رابع حاجة الكليه بقى نفسها ... حاليا التخصص موجود فى 9 جامعات فقط ... الجامعه العاشره هى الازهر ... و دى كليه منفصله قايمه بذاتها مش تابعه ولا لهندسه ولا لزراعه ولا لاى حد ...

فى معظم الجامعات هندسة زراعيه عباره عن تلت شعب ..

الات .. رى ... نظم ..

فرع الات او ميكنه : سمعاك يالى بتقول الفاس الكهربائى .. وتنقيه الدوده الكترونيا ... اطلاااااقا .. الفرع ده مختص بالالات ..بس الزراعيه زى الكومباين ..وده اله فى منتهى التعقيد ... زى البذاره والسطاره و المحاريث بجميع انواعها .. والميكانيزم بتاعهم ... والجرارات .. غير كمان انه بيأهلك انك تشتغل فى مصانع الاغذيه والمجمدات ... و ممكن تشتغل فى مصانع تانيه كمان لو حبيت ...فرع الات كمان فى تخصص فرعى تانى اسمه طاقه جديده ومتجدده .. وده بتدرس فيه مصادر الطاقه الغير تقليدية

فرع رى ( بالطول بالعرض هنوصل الميا للارض ) : سمعاك يالى بتقول قسم خراطيم ...اطلاااااقا ... الفرع ده مختص بتوصيل الميه سواء لارض زراعيه ..لكوموند سكنى .. 

واوعى بقى اهم حاجة اللاند سكيب .. وده شويه شخبطه كده على الاوتوكاد وتكسب دهب

ان ممكن كمان تشتغل فى المساحة

فرع نظم : ده عامل زى اداره المشروعات كده ..بس مش من الناحيه المحاسبيه و توزيع المهام وكده لاااا .. دى اداره هندسيه .. بمعنى ايه .. فى صوبه زراعيه مثلا .. هتتحكم فى الحراره .. فى كميه الميا فى الرطوبه ... يبقى عندى سيستم .. وعندى تزامن و مدخلات ومخرجات .. وكمان مراقبه والfeed back الى بيعمل كده ده بقى مهندس النظم ... والى بيوفق بين كل الانظمه الفرعيه .. عشان تخدم فى النظام الرئيسى لنجاح الصوبه ككل ... 

 انت بتدرس ثرمو وهيت وديزاين ورسم هندسى وورش وكيميا وفيزيا و ستراكتشير و كنترول ... وخضر وفاكهه وانتاج نباتى وانتاج حيوانى وانتاج داجنى واقتصاد واحصا و تشريـــــح و أغذيه .. و مضخات و طاقه جديده ومتجدده وخصائص مواد وخرسانه و كهربا ...

من الاخر انت ميكس ..لكل حاجة والعكس ..اهم حاجة تركز فى حاجة واحده وتعرف طريقك الى عايز تمشى عليه ... و تؤمن بنفسك وقدراتك ... وان كيان مستقبل بذاته ملكش دعوه لا بده ولا بده 

الهندسة الكيميائية 

هى فرع من فروع الهندسة لكنه من زمرة الاقسام المظلومة شوية ((عندنا بس ))..ويقولك عاوز هندسة كيميا ماكنت دخلت علوم ..وكلام كدا ..لكن التطور العلمى بيثبت كل يوم اهمية الهندسة الكيميائية ومينفعش علم زى كدا يفوت من تحت ايد كلية الهندسة ... القسم موجود فى تلت جامعات على مستوى جمهورية مصر العربية جامعه القاهره والاسكندرية والمنيا ... ندخل بقى فى كلام المتخصصين عن القسم والدراسة فيه وفرص العمل

بيطلقوا على الهندسة الكيميائية الهندسة العالمية

وسبب تسمية الهندسة الكيميائية بالهندسة العالميـة هو لسبب أنه التخصص الهندسي الوحيد الذي يهتـم بـ علوم أساسية ( الرياضيات البحتة ، الفيزياء البحتة ، الجيوفيزياء ، الكيمياء ، الكيمياء الصناعية، الاقتصاد )

جميع هذه المجلات وهذه العلوم .. يجب أن يتعلمها المهندس الكيميائي ولو بشكل بسيط لذلك سمي المهندس الكيميائي بالمهندس العالمي

تخصص الهندسة الكيميائية تحتوي على ما يقارب 40% رياضيات .. من الجبر و الاشتقاق و التكامل و التكامل العددي ( numerical integration) ومن الاستاتيكا و من المعادلات التفاضلية .. وغيره من الرياضيات التطبيقية يجب على المهندس الكيميائي تعلمها

أما بالنسبة للفيزياء فهي تحتوي تقريبا 50% من فيزياء عامة 1 و 2 .. و ميكانيكا الموائع و إنتقال الحرارة بدون تفاعل كيميائي وإنتقال الكتل بواسطة التركيز وإنتقال الكتل بدون تفاعل كيميائي ، و الديناميكا الحرارية 1 و الديناميكا الحرارية 2 ، وفصل المواد بطرق فيزيائية ، والكيمياء الفيزيائية وغيرها من المواد الفيزيائية

أما بالنسبة للكيمياء فأنها تمثل فقط 10% .. وهي تهتم بـ إنتقال الحرارة مع تفاعل كيميائي و إنتقال الكتل مع تفاعل كيميائي ، وفصل المواد بطرق كيميائية وبعض من أساسيات الكيمياء العضوية و الكيمياء الحيوية

نلاحظ أن الهندسة الكيميائية لا تعتمد كثيرا على الكيمياء ، و تعتمد كثيرا على الفيزياء و الرياضيات ، بمعنى .. أي طالب ضعيف بالرياضيات يجب أن لا يدرس الهندسة الكيميائية ... لأن الهندسة الكيميائية والرياضيات وجهان لعملة واحد ، مستحيل تتفوق بالهندسة الكيميائية بدون ما تكون متفوق بالرياضيات .

فرص العمل بالنسبة للمهندس الكيميائى مفتوحه فى كل المجالات لعلاقته الوثيقة بالمواد الأولية واللى بتعد حجر الاساس فى كل الانشطة الانسانية ..يعنى السماد والبترول والغاز الطبيعي والسيراميك والحديد والصلب , تنقيه المياه , اعاده التدوير ,الاسمنت , الالومنيوم... أى مصانع تحتاج مهندس كيميائى ده غير العمل الاكاديمى والبحثى .... والعمل الادارى ...

الهندسة البحرية

تخصص هندسي شديد الأهمية ، يركز بالأساس على دراسة تصاميم السفن ، وكيفية تصنيعها وبنائها ، وطرق اتزانها ، وأساسيات الإبحار والمحركات البحرية ، وغيرها من الدراسات الهندسية ذات الصلة بمجال السفن والحاويات والنقل البحري..

يعتبر هذا التخصص واحداً من الأقسام الهندسية شديدة التحديد فى مجالها الدراسي ، على الرغم من أنه قائم على اساسيات هندسية مختلفة من أقسام متعددة ، تشمل تخصصات الميكانيكا والتكنولوجيا والفيزياء وغيرها..

المحتوى الدراسي :

هذا القسم يركز بصفة خاصة على الدراسات الهندسية ذات العلاقة بالأوساط البحرية ، من خلال دراسة مواد دراسية ، من ضمنها :

علوم حركة المياه ، وخواصها الفيزيائية والكيميائية

التحليل الانشائي للسفن

دراسة المعايير العالمية الخاصة بمنظمات وهيئات بناء السفن

دراسة علوم المحركات

الرياضيات

علوم التصميم

الترسانة البحرية

الميكانيكا

العمارة البحرية ( الرسم الهندسي الخاص بالسفن والمنصات البحرية )

هندسة الشواطئ ( الحفر في المياه العميقة – انشاء المنصات البحرية – الخ )

الأمن والسلامة الصناعية

وغيرها من المقررات الدراسية ذات الصلة ، والتى تهدف جميعاً إلى خدمة هذا التخصص..

أما بالنسبة للمهام الوظيفية

فالمتخرجون في قسم الهندسة البحرية ، يجدوا امامهم سوقاً واسعاً للوظائف ، بسبب الطلب الكبير على هذا التخصص الهندسي شديد الحساسية والاهمية ، فى كافة المجالات البحرية ، سواءاً قريبة الصلة بالهندسة ، أو التى تحتاج إلى المهندسين البحريين كركن أساسي من مكوّنات الأعمال التى تتم فى مياه البحر..

المهام التى يقوم المهندس البحري بآداءها كثيرة ومتعددة ، من ضمنها :

تصميم وإنشاء وبناء السفن البحرية

تصميم وإنشاء المنصات البحرية مثل منصات استخراج النفط والغاز فى قلب البحار والمحيطات

العمل فى شركات تصنيع محركات المركبات البحرية بمختلف انوعها ( نفط – حاويات – بضائع – سفن سياحية – إلخ )

العمل على متن السفن البحرية كمهندس لمراقبة حجم الحمولات وتشغيل السفن ومتابعة المحركات خلال الرحلات المختلفة..

العمل فى مجالات أخرى ذات صلة ، باعتبار لدراسته المتعمقة فى علوم المحركات والكهرباء أثناء فترة دراسته

إلى جانب فرص الاستمرار فى المجال الاكاديمي ، ونيل الدرجات العليا ( ماجستير او دكتوراة ) فى هذا التخصص ، وزيادة فرص الترقية والتطور الوظيفي..

طبعا بردو الهندسة البحرية من التخصصات المهضوم حقها شوية فى مصر ..لكن لازم كلنا نتمتع بالفكر المتطور اللى يخلينا مناسبين لسوق العمل لان لازما وحتما ولابد بايدينا تتطور الحياة ويتفتح مجال اوسع لكل التخصصات 

هندسة البترول 

على الرغم من ان تخصص هندسة البترول ، يعد واحداً من أشهر التخصصات الهندسية ، إن لم يكن أشهرها على الإطلاق..إلا أن هذا قلة هذا القسم التخصصى على المستوى العالمي ، يجعل من خريجيه عملة نادرة حقيقية ، بالنسبة للدول والشركات النفطية الكبري..

هندسة البترول تتناول بالاساس التطبيقات الهندسية الكاملة ذات العلاقة بالنفط والغاز ، بداية من استخراجه ، مروراً بتكريره ، نهاية الى تصنيع المنتجات المشتقة من هذا الخام ، وتوزيعها على المستهلكين..

*المحتوى الدراسي :

يدرس طلاب تخصص هندسة البترول ، مجموعة واسعة من المناهج والمقررات الدراسية ، التى تركز على كافة التفاصيل النظرية والعلمية والاكاديمية والتطبيقية والصناعية فى هذا المجال شديد الأهمية..من ضمنها :

الكيمياء والفيزياء

هندسة البترول

تكرير البترول

المنشآت البترولية فى اليابس والبحر

الديناميكا الحرارية

الحفر وطرق الاستخراج

التطبيقات المتعلقة بخام البترول

الجيولوجيا والمساحة

الاقتصاديات المتعلقة بأسعار النفط وتوزيعه

فضلاً عن الكثير من المقررات الدراسية الأخرى ، التى توازن بين الجانب النظري والعملى فى هذا التخصص..

المهام الوظيفية :

الحقيقة أن الطلب على توظيف مهندسي البترول يعد مرتفعا للغاية في الدول النفطية ، سواءا على مستوى القطاع العام في هذه الدول ، أو على مستوى القطاع الخاص..كما أنهم يتمتعون بمستويات مادية رائعة ، وفرصاً للترقي الوظيفي عادة لا تتوافر للكثير من الأقسام الهندسية الأخرى..

المتخصصون فى هندسة البترول ، يكون منوطاً بهم العديد من المهام الوظيفية فى هذا القطاع ، من ضمنها

اجراء الدراسات الاستقصائية لاستكشاف وتطوير آبار النفط والغاز

التخطيط والتصميم والتطوير والمراقبة الكاملة لعمليات الحفر والاستخرخاج

اختبار آبار النفط والغاز

التعاون مع الجيولجيين لدراسة طبيعة الصخور

تحديد طرق الحفر الواجب استخدامها

رصد أنشطة الانتاج والتشغيل

تولى الادوار القيادية فى منشآت تكرير البترول

الاشراف على خزانات النفط

العمل فى استخراج النفط والغاز من المنصات البحرية..

وغيرها العديد من الادوار الوظيفية الاخرى..حيث يكون لمهندس البترول تقريباً الدور الفعال فى المشاركة فى جميع المراحل ذات الصلة بصناعة البترول ، بداية من البحث عن المصادر ، مروراً بعمليات التكرير ، وانتهاءاً بالتوزيع على المستهلكين..

هندسة التعدين

هذا التخصص الهندسي المهم ، انبثق من رحم هندسة البترول والنفط ، كتخصص مستقل يعنى بشؤون التعدين واستخراج المعادن والكشف عنها ، والتركيز أكثر على مناطق المناجم المعدنية المختلفة ، سواءاً مناجم الذهب او الفوسفات او غيرها من المعادن النفسية ، التى لا تقل أهمية عن النفط والغاز ، في هذا العصر..

هندسة التعدين ببساطة هي استخراج المعادن من المناجم ، التى تشمل معادن ثمينة مثل الرصاص والنيكل والالماس والاحجار الجيرية والفوسفات وغيرها ، من خلال آليات وتطبيقات علمية ودقيقة للغاية ، كانت تتحتم أن يكون لها دراسة خاصة أكاديمية وعملية متعمقة وطويلة..

المحتوى الدراسي :

يدرس الطالب المتخصص فى مجال هندسة التعدين ، مجموعة واسعة من المقررات الدراسية ، التى تركز معظمها على المعادن وطرق استخراجها ، وتشمل أيضاً فروعاً جانبية تركز على هندسة النفط والغاز ، باعتبار أن هذين التخصصين انبثقا من قسم واحد ، ويتشابهان فى أساسيات عديدة..

من ضمن المقررات الدراسية ، التى يدرسها الطالب فى هذا التخصص :

تقنية المناجم

ميكانيكا الصخور والتهوية

علوم طبقات الأرض

علوم المعان والصخور

علوم المساحة والجغرافيا

العلوم الاقتصاية والمالية والإدارة المتعلقة بالعمل فى المناجم

الصحة والسلامة المهنية

المبادئ البيئية

علوم الكميوتر

وغيرها الكثير جداً من المقررات الدراسية ، التى تصب فى مصلحة تخريج مهندسين تعدين على أعلى مستوى من الكفاءة ، في هذا المجال الخطير وشديد الحساسية..

المهام الوظيفية :

مهندسو التعدين يتميّزون أنهم عادة مايجدون فرصاً وظيفية مبهرة ، فى هذا التخصص النادر والدقيق ، مما يضمن لهم مقابلاً ماديا ممتازاً ، وتطوراً وظيفياً هائلاً ، يحقق طموحاتهم فى الترقي السريع ، والرفاهية المعيشية..

من ضمن المناصب التى من الممكن أن يشغلها مهندس التعدين :

تخطيط وإدارة التطبيقات الهندسية المختلفة لإستخراج المعادن فى المناجم

تطبيق الخطوات اللازمة للكشف عن وجود معادن فى مناطق مختلفة

التنسيق مع الجيلوجيين وعلماء الأرض فى التنقيب

ادارة الامن والسلامة فى المناجم ومباشرتها بنفسه

مراعاة الشروط البيئية

متابعة تنفيذ التعليمات فيما يخص استخدام المتفجرات ، وطرق التهوية الصحيحة

ادارة البحوث التى تستهدف رفع كفاءة الأمان فى المنجم

التنسيق فى خدمات الطوارئ والاسعافات الأولية

الهندسة البيئية

تخصص هندسة البيئة هو أحد التخصصات الهندسية المثيرة ، التى يدرس خلالها الطالب برامجاً متميزة لإعداده بهدف 

استخدام الطرق الهندسية والرياضية والعلمية لتصميم أنظمة تساعد على حل مشاكل البيئة ، والتخفيف من أضرار التلوث ، والرصد الدائم والتحكم المستمر فى مراكز تلوث الهواء والأرض والماء ، إلى جانب الطرق العملية لحماية الصحة والأمان فى المنشآت..

المحتوى الدراسي :

فى البداية ، ستركز دراستك على مجالات العلوم والرياضيات تحديداً ، الى جانب المواد الدراسية المعتادة فى أقسام الهندسة الأخرى ، مثل الكيمياء والفيزياء بالإضافة الى مقطتفات من علم الأحياء يدرّس خصيصا لطلاب الهندسة البيئية..

إلى جانب ذلك سوف تتعلم الطرق العلمية وكيفية تطبيقها لحل المشاكل البيئية ، واستخدام برامج الحاسب الآلي فى محاكاة هذه المشاكل ، وتوقع السيناريوهات المتعددة المختلفة ، ومحاولة التعامل معها بأكبر جودة وأقل تكلفة..

درجة البكالورويوس في هذا التخصص تستمر عادة لمدة 5 سنوات ، ويتخرج فيها الطلاب وهم يحملون قدراً أكاديمياً وتدريبياً كافياً جداً للعمل فى أحدث وأفضل المؤسسات البحثية والصناعية والاكاديمية ، بالاضافى الى درجات الدراسات العليا التى يتم تقديمها فى هذا التخصص ، والتى تقفز بالخريج الى مناصب قيادية عالية فى مساره الوظيفي أيّاً كان..

تشمل الدراسة التركيز على المقررات الآتية :

الرياضيات

الكيمياء

الفيزياء الهندسية

الجودة البيئية

الجيولوجيا

مقدمة الى علوم الحاسب الآلي

الميكروبيولجي ذو العلاقة بالهندسة البيئية

الإحصاء

معالجة المياه من التلوث

وغيرها العديد من المواد الدراسية ذات الصلة..

وهذا التخصص يتيح للخريج مساراً وظيفياً متميزاً ، يمكن أن يكون فى المجال الصناعى بطريقة مباشرة ، بغرض وضع ومتابعة الآليات التى تضمن الحفاظ على البيئة فى المصنع ، أو يمكن أيضاً أن يتخصص الخريج فى صناعات بيئية مباشرة ، مثل أن يعمل فى إحدى المؤسسات التى تعمل على التقليل من آثار التلوث ، أو الشركات التى تعمل على تقديم منتجات وخدمات تحد من التلوث البيئي..

يتركز عمل مهندسي البيئية على مجالات التعدين والامن الصناعى والاستشارات البيئية والمؤسسات الكيميائية والصناعية العملاقة ، الى جانب المؤسسات البحثية والتكنولوجية والانتاجية فى كافة المجالات بلا استثناء ، مما يتيح لهم سوقاً واسعاً وواعداً مليئاً بالوظائف فى المجالين الصناعي والبحثي والاستشاري

الى جانب ذلك ، فالعديد من مهندسي هذا التخصص يتوجهون الى مجالات أخرى فى مساراتهم الوظيفية ، مثل العمل فى المبيعات ، وبعضهم يتوجه للعمل الإداري ، حيث توفر المقررات الدراسية موضوعات حول الإدارة والتسويق أيضا...فضلاً عن أن وظيفة المستشار البيئي تظل واحدة من أفضل الوظائف التى يشغلها خريجو هذا التخصص ، ويحصلون من خلالها على مرتبات ممتازة..

حقيقة انا معرفش ان كان فيه فى كليات الهندسة فى مصر خصوصا اقسام بيئية او لا لكن الاقسام دى موجودة فى بلدان تانية واعرف ان فى معهد دراسات بيئية تابع لجامعه عين شمس بيدرس الهندسة البيئية وكمان بتبقى متاحه كمجال للدراسات العليا لخريجى الهندسة سواء ميكانيكا او اقسام تانية ..

هندسة الجودة

(بالإنجليزية: Quality Engineering) هو فرع من فروع الهندسة الذي يتعامل مع تحليل نظم (التصنيع والإنتاج وتطور البرمجيات) في جميع المراحل، لتحسين جودة المنتجات النهائية لهذه النظم كبضائع أو خدمات.

يعمل مهندس الجودة على القيام بإختبارات تحديد الجودة فى الصناعات المختلفة، وتحليل المواد الخام والعناصر الأخرى الداخلة فى عملية الإنتاج، ومعاينة المنتج النهائى، والكثير من الطلاب الذين درسوا هندسة الجودة فى الخارج إتجهوا للعمل فى تلك الدول نظراً لتميز سوق العمل فى تلك الدول بالعديد من المزايا، فعلى سبيل المثال ووفقاً لمعلومات إحصائية موقع سالارى فإن مهندس الجودة حديث التخرج فى الولايات المتحدة يحصل على 56.773 دولار فى العام بالإضافة للمزايا الأخرى.