المستشعرات او الحساسات او ال sensors ملف كامل عنها وعن انواعها

المستشعرات  او الحساسات او ال 

sensors

اكيد قبل كده سمعت عن ال

 sensors

 .. المستشعرات يعنى ... سهله الحكايه حاجة بتستشعر حاجة فبتعمل حاجة .. حاجة حلوه خالص ..طب متيجوا نعرف ازاى المستشعر بيستشعر الحاجة 

اول حاجة لازم تعرفها ..ان المستشعر ده عباره عن جهاز ميكانيكى او كهربائى او الكترونى بيستجيب لاشاره حافز طبيعى ..

ايه الحافز الطبيعى ده ؟؟؟ ... ده بيبقى زى حراره او ضغط او ضوء .. بعد ما الحافز ده يأثر على المستشعر .. هيقوم المستشعر مطلع اشاره .. الاشاره دى ممكن استخدمها فى عمليات التحكم زى الرموتات كده او استخدم الاشاره دى فى عمليات القياس ..

بس هل المستشعرات كلها زى بعض ؟؟؟؟

اكيد لا ...والمستشعرات لها كذا تقسيمة كمان ...

اول حاجة بقسم المستشعرات على حسب مكان المستشعر من الهدف الى هيتم قياسه ..

ودى بتنقسم لمستشعرات مباشره التلامس ومستشعرات لا تلامسية 

يعنى ايه الكلام ده 

المباشره التلامس دى تعتبر نوع من انواع المستشعرات الكهرو ميكانيكيه .. وبتحصل عمليه القياس ..من خلال تلامس مباشر بين المستشعر والجسم الى احنا عايزين نقيسه

وعشان دايما الناس بتكره الكلام النظرى فقط ..فهنقول شويه تطبيقات على النوع ده 

مش ساعات لما بتيجى تركب مترو .. او بتبقى فى مول ....مش ساعات السلم الكهربى بيبقى متوقف .. واول ما تقف عليه ..يقوم متحرك ..كذلك باب المول مش اول ما حضرتك تهل كده يقوم حاسس بيك او مستشعرك ويقوم فاتح ...وكذلك فى مصانع الاغذيه ..نظام الانذار ..اول ما تزيد عدد المنتجات على السيور عن العدد المقرر يقوم المستشعر حاسس والانذار يطلع صوت وفى تطبيقات لا حصر لها ..كلها بتحصل بالتلامس بين الجسم المراد استشعاره والمستشعر ذات نفسه ..وبعدين تطلع الاشاره 

النوع التانى من التقسيمه دى ... هو المستشعرات الاتلامسيه ..من اسمها كده ..مش هيحصل تلامس مباشر بين المستشعر وبين الجسم المراد استشعاره ..بس للاسف النوع ده تحتيه تقسيمات تانيه ... مستشعرات تقاربيه ومستشعرات عن بعد 

يعنى عندى كذا تقسيمه اول تقسيمه انى بقسم المستشعرات على اساس طبيعه موضع المستشعر لهدف القياس وده بينقسم لتلامس مباشر وتلامس غير مباشر ...وبعدين الغير مباشر بينقسم لتقاربى و عن بعد وبعدين التقاربى ينقسم لحثى وسعوى و ضوئى 

ايه بقى المستشعرات التقاربيه دى ..

اول حاجة المستشعرات دى بتنقسم لكذا نوع 

منهم الحثيه الى بتعمل بالحث الكهربى وبتكشف عن الاجسام المعدنية فقط 

مش فاهمين ...؟؟ طب نقول مكونات المستشعر علشان نسهل الموضوع شويه

المستشعر التقاربى زى ما قولنا بيتشغل بالحث الكهربى .. يبقى طبيعى هيتكون من ملف وقلب معدنى 

ودول بيولدوا مجال كهرومغناطيسى من الطاقة الكهربية 

وبعدين المذبب ... المذبذب ده دوره انه بيولد القدره الكهربيه الالزمه عشان توليد المجال الكهرومغناطيسى 

دائره اطلاق اشاره التحكم ودى بتقيس سعه الاشاره لما جسم معدنى بيقرب من محيط الاستشعار بتاع المستشعر 

دائره الخرج ... ودى الدائره الالكترونيه الى بطلع الاشاره 

المستشعرات الى بتعمل بمبدأ الحث الكهربى بنستخدمها للأهداف المعدنية ( الهدف المطلوب استشعاره )

ومن خلال الخاصيه دى نقدر بكده نستخدم المستشعر ده فى مصانع انتاج السيارات وبيستخدم بالتحديد فى التأكد من تمام تركيب وتجميع المنتجات

يعنى مثلا عندى خط انتاج لمحركات الاحتراق الداخلى ... المحرك بيتكون من اجزاء ..بحط مستشعر عشان يتم استبعاد الجزء او المكون الى غير مكتمل التجميع من الخط

وكذلك بيتم استخدام المستشعر الحثى فى عمليات تشغيل المعادن ... زى فى المخرطة كده بنستخدمه عشان نتأكد من وضع آليه التغذية الرأسية و الأفقية بالنسبة لآلية القطع

عشان ميحصلش اى اخفاقات اثناء اجراء قطع المعدن 

هنلاقى بقى ان المستشعر الحثى الى هو نوع من المستشعر التقاربى له مميزات جامده جدا 

ب ضد الرطوبه ضد الاتربة .. ضد الزيوت ( زى زيت التشحيم

مفهوش اجزاء متحركه يعنى عمره اطول 

وله مميزات كتيره ..بس احنا نتكلم فى العيوب ... 

اول عيب له ..انه مش بيستشعر غير الاجزاء المعدنيه ..بلاستك لا 

خشب لا 

معادن فقط ... 

لو فى مجال مغناطيسى قوى بالقرب منه .. المستشعر هيتأثر كأداء وكقياس

بس عموما المستشعر شغال يعنى