Sunday, February 16, 2014

اخطاء كادت ان تسبب دمار وحروب كبيرة


اخطاء كادت ان تسبب دمار وحروب كبيرة

الخطأ الاول:
رقاقة كومبيوتر بنص دولار كانت السبب في اعلان حرب نووية
ملخص :
عطل رقاقة في الكومبيوتر سبب ان يظهر 220 صاروخ في الطريق بدل 2 وكان هيسبب حرب عالمية ثالثة

كانت الساعه 2 صباحا ً (بعد منتصف الليل )
يوم 3 يونيو 1980 في امريكا الشمالية في احد الوحدات التابعة للجيش اسمها Norad
بعدين هنعرف ان القاعدة دي سببت مشاكل كتير اوي
كان قائد القاعدة شغال ياعيني وطالع عينه لبعد نص الليل في الدورية بتاعته
بيبص علي شاشة الرادار لقاها كاتبة في صروخين جايين في الطريق ايه دا
دا بعد شوية لقاهم 220 صاروخ نووي ( رؤوس نووية ) , علي طول كانت بتكتب 0
بسرعة عمنا القائد دا جري اعلن انذار حالة الطوارئ و ان في 220 رأس نووي جايين هيضربوا البلد
وبعدها بشوية الناس بقت محتاسة وسلاح الطيران يجري وانا اعيط والجنود يجروا

المهم بعدها بشوية الناس لاحظت ان مفيش اي رؤوس نووية علي الرادار ( الخاص بالطائرات )
ايه يا عم الحج مش المفروض يوصلو , هو في ايه
ايه دا هو في ايه , الانذار وقف ليه

بعدها بقا ب 3 ايام قدرو يعرفو الي حصل
عرفو ان الرقاقة الي في كومبيوتر فيها خطأ بيسبب انها بتظهر الرقم غلط احيانا

الخطأ الثاني :فيوز ضرب في كومبيوتر وكان هيسبب حرب كبيرة بين امريكا والسوفييت
كانت سنة 1950 في امريكا في وحدة طيران تابعة للجيش كانت قد قامت ببناء رادار يطلق انذار قبل حدوث اي هجمة سوفييتية
بعدها بكام سنة , عام1961
النظام دا فجأة اتعطل , فالناس الموجودة في القاعدة دي , كشفو علي كل حاجه واتأكدوا ان كل حاجه تمام ( طبعا ما عدا الفيوز ماخدوش بالهم )
بسبب الفيوز دا حصل مشاكل كتير جدا في الاجهزة كلها ومنها اجهزة الاتصالات
حاولو يكلموا قاعدة تانية جنبهم معرفوش ( باستخدام التيلفون العادي ) وجدوا ان مفيش حرارة في التيلف
يبقا السوفيت عملو هجوم وبدأو بالقاعدة التانيه دي وهما بيعطلوا الاجهزة بطريقة ما قبل ما ييجوا
وهوبا الانذار يشتغل وانا اعيط وهوبا الناس تجري وانا اعيط
وتم تبليغ جهاز الطيران كله في الجيش واستعدوا و انا اعيط وهم علي اهبة الاستعداد لرد الهجمة علي السوفيت وانا اعيط
وكانو يدوبك مستنيين الامر
بالصدفة احد الجنود شاف ان سلك التيلفون مقطوع:D
فصلحوه بسرعة واتصلوا بالقاعدة وطمنتهم والناس هديت تاني وانا اعيط
وكل حاجه بقت تمام
علي فكرة القاعدة دي اسمها NORAD
ايوا هي نفس القاعدة الي في الخطأ الاول

الخطأ الثالث :
برضو المشكلة حصلت في نفس القاعدة , NORAD
هي مالها القاعدة الي هتدمر العالم دي 
المره دي واحد منها بلغ الجيش الامريكي ان العالم بينتهي !
وان السوفييت بيهجاموا بكل الي عندهم
كلنا عارفين نظام المراسلة الي تم ابتكارة خلال الحرب 
كان معمول بقا في امريكا لينذر الامريكان من اي هجوم من السوفييت
وكانو بيجربوه كل سبت ويبعتو رسالة تأكيد
وطبعا في محطات علي مستوي امريكا كلها بتستلم الرسالة دي
سنة 1971 لما في واحد جديد علي الجهاز بيبعت رسال
بدل ما يرسل , 
This is only a test
ارسل
emergency alert direct from the president was forthcoming
يا وقعة منيلة 
والناس المره دي في امريكا كلها بقا مش علي مستوي الجيش والقاعدة
يجروا , ودا يتصل باهله يودعهم , وانا اعيط وكلهم مرعوبين , وانا اعيط
دا حتي كان في جنود مراحتش بقا علي اساس انها نهاية العالم بالنسبة ليهم
وانا اعيط 
بس في القاعدة عرفو الخطأ فورا فور اذاعة الرسالة , بس هيعملو ايه
دا امريكا كلها سمعة الرسالة 
وهم عايزين يبعتوا رسالة تانية ينفو الي حصل بس مش عارفين الكود
وخلوهم علي الوضع دا 45د لحد ما لقوا الكود
اخيييييييييييرا 
بس بعد ايه ؟
علي العموم هم ارسلو رسالة علي الفور بعد ما عرفو الكود يصححوا فيها الي حصل
ومعلومة جانبية , لا جانبية ايه دا هي دي سبب المشكلة
دول الاتحدا السوفيتي بتتجسس علي امريكا والعكس ايضا
فلما دولة تعرف انها بتحط المواطنين في المخابئ المخصصة 
يبقا اكيد هتشن حرب علي التانية 
علشان كده لو الرسالة مكانتش اتبعتت بسرعة اكتر من كده كان ممكن تبدأ حرب فعلا

وانتوا عارفين حرب عالمية 3 هتبقا نووية يعني ايه , يعني اغلب سكان الارض في الضياع

الخطا الرابع كانت الساعه 9 الصبح يوم 9 نوفمبر عام 1979 كان في قاعدة تابعة لسلاح الطيران في الجيش الامريكي
فالقاعدة كانت عاملة برنامج تدريب , وشغلوا الكومبيوترات وكل حاجة تمام
البرنامج التدريبي المفروض انه يعلن عن 1000 رأس نووي متوجهة تجاه القاعدة
بس هم نسيوا يفصلو الكومبيوتر الرئيسي عن الكومبيوتر الي عليه برنامج التدريب
وبدأ الكومبيوتر الرئيسي الي متصل باجهزة الجيش في الدولة كلها يتلقي التهديد بضرب الرؤس النووية
وبعد شوية الدولة كلها كانت مقلوبة , واعلان حالة طواري من هنا علي شوية برجلة من هنا
وكانوا خلاص هيردوا الهجوم قبل ما يوصل ( دا علي اساس انه كان في هجوم )
بس الحمد لله ان الضباط لاحظو ان الكومبيوتر متصل بالكومبيوتر الرئيسي
وارسلو رسالة للقيادات توضح الحكاية

الخطأ الخامس
المره دي في روسيا
كان في شوية علماء ارادوا انهم يدرسوا ظاهرة الشفق 
فارسلو صاروخ يقوم بتحليل الجو في الوقت دا ويجمع بيانات وكده
كان الكلام دا 1995 تقريبا 
وطبعا كانت الحرب الباردة لسه خلصانه بقالها فترة بس روسيا عاملة احتياطاتها ودايما مستعدة
فالوحدات العسكرية التقطوا اشارة في الرادار تشبه الاشارة القادمة من الصواريخ الامريكية
في روسيا ساعتها لما يكتشفو هجوم زي دا , الرئيس بيبقا قدامه 10د بس يقرر فيهم يا اما يردوا الهجوم او يتقبلوا الخسارة
فقرر رد الهجوم وتم التجهيز لرد الهجوم بالفعل , وطبعا هجوم نووي
والجيش مستني الامر من الرئيس
كان فاضل دقيقة من 10 د دول 
وجا اتصال للرئيس بيقوله ان الصاروخ وقع في البحر من غير ما يؤذي اي احد او اي شئ
فلاش باك سريع كده
الامريكان قبل ما يطلقوا الصاروخ دا , ابلغوا روسيا انهم هيطلقوه علشان يدرسوا ظاهرة الشفق
فالرئيس الغي قرار الهجوم وكل حاجة رجعت هادية تاني

0 comments:

Post a Comment