تكنولوجيا الطابعات النفاث وكيف تعمل

طابعات الكمبيوتر

الطباعه او البرينتر اظن ان معظمنا عندنا منها او بنشوفها عند محلات الكمبيوتر و كلنا بنستخدمها لما بنعمل بحث للمدرسه علشان اعمال السنه بس حد فكر او دور ازاى بتشتغل الطباعه دى ازاى الكلام او الصور بتبقى على شكل بيانات على

الكمبيوتر وفى ظرف3 ثوانى بس بتبقى على ورق

-طابعات الحبر النفاث inkjet printers 

النوع ده من الطابعات اللى كتير مننا عنده فى البيت و بنستخدمه

النوع ده من الطابعات تم اختراعه او انشائه عام 1984 وكانت اول قفزه فى تاريخ اختراع الطابعات حيث ان الطابعات دى بتطبع الورق عن طريق انها بتقذف قطرات متناهيه الصغر بيوصل حجمها الى 50 ميكرون (اقل من قطر شعره واحده من رأسك ) وبعد ما يتم قذف القطرات دى بتم توجيهها بدقه كبيره على الورقه واولما تلمس الورقه بتجف فى نفس الوقت طيب ماشى كده عرفنا الفكره العامه لطريقه عمل الطابعه بس لسه ما عرفناش ازاى اساسا بيتم قذف القطرات

-طريقه التسخين 

فكره عمل الطابعه دى سهله هى بتعتمد على تسخين جزء معين من المكان اللى بيخزن فى الحبر الى درجه حراره بتوصل لحد 300 درجه مئويه اول ما بيتم التسخين بيحصل فقاعات داخل ماكن الحبر وده اللى بيخلى القطرات دى تخرج من فتحه اسمها ( جيت) عدد الفتحات دى بيوصل فى بعض الطابعات الى 400 فتحه ما علينا القطرات بتخرج من الفتحات دى فى نفس اللحظه و اول ما بتلمس الورقه بتجف عالطول زى ما قولنا العمليه دى بتتكرر الافمن المرات فى الثانيه الواحده

- طريقه الكهرباء 

دى طريقه اخترعتها شركه ايبسون Epson

هنبدأ شرح الطريقه دى من اول ما حضرتك ما بتضغط على زرار اطبع print فى الكمبيوتر

اول ما بدوس عليه بيقوم الكمبيوتر بأرسال بيانات الطباعه الى بررنامج اخر اسمه print driver فيقوم البرنامج ده بتحويل البيانات اللى بعتها الكمبيوتر ليه الى لغه تفهمها الطابعه وطبعا بيتم ارسال البيانات دى من الكمبيوتر الى الطابعه عن طريق كابل USB اول ما تستلم الطابعه البيانات بحفظها عندها فى ذاكره عشوائيه بتبدأ من 512 كليوبايت الى 16 ميجا بايت فى بعض الطابعات وطبعا بيختلف سعر الطابعات على حسب حجم الذاكره دى ماشى

لو الطابعه مركونه بقالها كتير قبل ما تطبع هى بتنضف نفسها تلقائيا اول ما بتخلص الورقه بتتسحب جوه الطابعه فيبتدى يتحرك رأس الطابعه واثناء الطباعه بيتوقف الرأس ده لما يجى ينفث الحبر الوقفات دى انت مش بتلاحظها انما انت كأنك شايف الورقه ماشيه مش بتقف ولكنها بتقف فترات صغيره جدا لنفث الحبر ولما بيخلص بتخرج الورقه

فى نوع اخير وده بيكون الحبر فيه صلب و بيجى على شكل قطع الصابون وبيستخدم طريقه التسخين برده عشان يحول الصلب ده الى سائل ولكن النوع ده بيبقى غالى عشان جودته الرائعه فى الطباعه