اسرع طائرة في العالم

اسرع طيارة في العالم

 اسمها 

 blackbird SR71

طبعا الدولة المنتجة امريكا ودخلت الخدمة في 1964 وهيا طائرة استطلاع وتجسس الهيكل مصنوع من التيتانيم ومش محتاجة خاصية الستليس او التخفي لان اصلا سرعتها الخيالية وارتفاعها الشاهق كان بيخليها خارج مدي الدفاع الجوي وكمان خارج مدي المقاتلات لان مفيش طيار او طيارة تانية هتعرف تطير علي ارتفاعها ده.

سرعتها وصلت ل3530 كيلومتر/ساعة في حين ان اسرع مقاتلة حاليا هيا الميج 35 المطورة من الميج 29 وسرعتها وصلت ل2400-2600 كيلومتر/ساعة!

وكان ارتفاعها بيوصل ل24000 متر وفي الارتفاعات ديه الطيار بيحتاج لضخ الهواء للرئة لصعوبة التنفس وده سبب انوا بيلبس بدلة شبه بدلة رائد الفضاء.

تم انتاجها بعدد 32 وهيا خارج الخدمة تماما منذ 1998.

اما بالنسبة للزتونة بتاعت الموضوع بقي وعلاقة الطيارة ديه بحرب اكتوبر.

في يوم 13 اكتوبر 1973 قامت طائرة من الطراز ده بالطيران فوق منطقة قناة السويس بالكامل وعمل مسح كامل للمنطقة اللي كان ساعتها الجيش المصري فرض سيطرتوا الكاملة عليها وحاطط علي القوات الاسرائيلية اللي بتحاول تعمل هجوم مضاد. طبعا معرفناش نعمل اي حاجة مع الطيارة ديه علشان زي ماقلنا ارتفاعها وسرعتها بيخليها برة مدي صواريخ SAM 2 و SAM 3 و 6 و 7 اللي كانت مستخدمة في الوقت ده......طبعا الطيارة صورت الثغرة بين الجيش التاني والتالت بمدي 12-14 كيلو بدون قوات ومكتفتش بكدة...لأ ديه كملت وطارت حتي الدلتا لتأكيد خلو المنطقة من الدبابات.

وفي يوم 15 اكتوبر 1973 رجعت الطيارة تاني للطيران فوق قناة السويس وكأنها بتعمل "تأكيد" ان المنطقة ديه مازالت بدون قوات قبل ماتدي اوكيه للقوات الاسرئيلية.

ونفس الموضوع لهضبة الجولان السورية.