الطائرة اباتشى - تكنولوجيا ومفهوم

اباتشى

كلمة بنسمعها كتير و هي موجودة عندنا ف الجيش المصري

طب شغاله ازاى 

الطيارة من انتاج شركة بوينج و سلاح رئيسي ف الجيش الامريكي و الجوية المصرية 

الاول كده هي ازاي بتطير 

 هيليكوبتر عادية مع شوية لمسات كده اضافية 

فيها طبعا مروحتين واحدة رئيسية و دي مسئولة عن الارتفاع و الانخفاض و التانية بقى دي مروحة جانبية على ديل الطيارة و دي بتساعد ف الثبات ف الجو و منع الطيارة من الدوران حوالين نفسها بسبب حركة دوران المروحة العمودية اللي هي على سقف الطيارةو برده المروحة الجانبية بتوجه الطيارة زي دفة السفينة 

المروحة الرئيسية مثبتة في اعلى الطائرة وتتكون من اربع شفرات بطول 6 امتارو ممكن لقائد الطياة ان هو يتحكم في محور الدوارن وزاويته من خلال القاعدة الحاملة للمروحة و من خلال التحكم في سرعة الدوران بيتعرف الطيارة الطيارة الارتفاع او الهبوط او الثبات في الجو، و بتخلي الطيارة تندفع للأمام أو تتحرك لورا حسب زاوية الدوران بتاعة المروحة 

الطيارة بتزود بمحركين كل واحد واحد 1890 حصان 

وبسبب كده ممكن تطير بسرعة 230 كم / ساعة و المواتير دي متصلة بالمروحتين عن طريق عمودين ناقلين للحركة و صندوق تروس 

Gear Box

زي بتاع العربية 

و المروحتين محاطتين بطبقة من التياتنيوم يعني دي تخش بيها ف فروع الشجر و ميهمكش 

نيجي بقى للمهم الضرب و التدمير و الهجوم 

الطيارة دي فتاكة فيها كذا سلاح زي hell-fire rockets صواريخ الجحيم 

و دي متصممة خصيصا عشان ضرب المدرعات و الدبابات بتخترها و تبوظها خالص 

و الصواريخ دي موجودة ف حوامل الصواريخ ف الجناحين الصغيرين على جوانب الطيارة و كل جناح فيه 2 من حوامل الصواريخ و كل واحد بيتسع ل 4 صواريخ معنى كده ان عندك 16 صاروخ جحيم 

و بيتم اطلاقها باوامر من كومبيوتر الطيارة باوامر من القائد 

الصواريخ دي ذكية 

صممت هذه الصواريخ لتكون موجهة بواسطة اشعة الليزر و بتبقى اشارات مشفرة حيث يقوم الطيار المسؤول عن المدفعية باطلاق شعاع ليزر باتجاه الهدف على الارض زي مسدسات البلي اللي فيها ليزر 

قبل اطلاق الصاروخ فإن الكمبيوتر يعطي هذه الاشارات للصاروخ ويخزنها في ذاكرة كمبيوتر الصاروخ ليتم الاستجابة لها فقط، ويقوم الصاروخ من خلال مجس ضوئي بتتبع الاشارات الضوئية المنعكسة من سقوط الليزر على الهدف ويعمل كمبيوتر الصاروخ بحساب المسافة بينه وبين الهدف وتحديد المسار الذي سيسلكه للوصول الى الهدف، وذلك من خلال التحكم في الاجنحة المثبتة على جانبي الصاروخ عند الذيل، وذلك حتى يضمن ان يكون اصطدام الصاروخ بالهدف اصطدام عمودي عشان يموت و يكسر على طول 

بس الصواريخ دي اتعدلت و طلع منها Hell-fire II

عشان فيها عيوب بسبب الليزر ده عشان الليزر مش بيعدي وسط الدخان و ده بيضلل الصاروخ و مش بيمكنه انه يمشي ف الدخان فحطوا مكانه راديو fm 

نيجي لحاجة تانية غير الصواريخ ... الرشاش و ده من عيار 30 mm و دي فتاكة الصراحة و الراشاش ده بيطلق من 600 ل 650 طلقة ف الدقيقة يعني ممكن يخليك مصفاة ده لو اتبقى منك حاجة اصلا 

و ده موجود ف مقدمة الطائرة و حلو اوي ف المواجهات اللي ع مسافة قليلة ... 

و كابينة الطيارة مقسومة ل 2 اللي ورا للسواق و اللي قدام لمساعد السواق و الاتنين ممكن يسوقو الطيارة و ضرب الصواريخ 

نيجي بقى لنظام المراقبة ....

فيها مجسات بتزود الطيارة بمعلومات دقيقة عن كل التضاريس و الطيارات و الدبابات و غيره 

و فيها نظام رؤية ليلية عن طريق رؤية الاشعاع الحراري من الناس او الاسلحة و طبعا مزودة برادار عشان تلقط الطيارات اللي حواليها و غيره و مزودة منظار و كاميرا بتتحرك ف كل الاتجاهات بمجرد بس ان السواق يحرك وشه يمين او شمال الكامير تتحرك برضو يمين او شمال 

بالنسبة لنظام الحماية فالاباتشي مزودة بنظام تشويش على رادارات العدو و تضليل الصواريخ الحرارية اللي بتتعقب الحرارة عشان الطيارة بتبرد الماتور ع طول و الجسم الخارجي للطيارة و الطيارة ككل اصلا مضادة للرصاص حتى الازاز و كمان الماتور بيستحمل رصاص من عيار 23 mm

----------------------