Saturday, February 8, 2014

شاشات اللمس وانواعها وطرق عملها


التكنولوجيا فى سباق مع الزمن كل ثانية بتمر شايلة تطوير جديد لتسهيل حياة الانسان خصوصا فى الحاجات اللى بنستعملها بشكل كبير ومتكرر

احد مظاهر التكنولوجيا دى واللى بدأت تتوسع بشكل رهيب
تقنية شاشات اللمس


هى كتقنية بدأت من زمان من خمسينيات القرن الماضى لكنها مكانتش واسعه فى انتشارها مع الناس لكنها بدات تظهر من فترة مع الصراف الالى واجهزة التشغيل الموسيقى وشاشات العرض فى المعارض وشاشات التحكم فى المصانع

وامتدت لحد ماوصلت للموبايلات واختراع مايكروسوفت لطاولة اللمس ..والتوسع فى استخدامها مع الهواتف الذكية سواء لمس محدد او لمس متعدد ... خلونا مع بعض نعرف شوية عن تقنية شاشات اللمس

طبعا هى تقنياات متعددة جداااااا لكننا هنشوف مع بعض الاشهر واللى لها تطبيقات كتير مشهورة فى حياتنا اليومية ... ونقدر نحصرهم تقريبا فى 3 انواع للشاشات

>>شاشات تقنية المقاومة
>>شاشات تقنية التكثيف
>>شاشات تقنية الاشعه تحت الحمراء

شاشات اللمس على قد سهولة التعامل معاها الا انها بتتطلب عناية خاصة بيها لانها سهل جدا تتخدش وبالتالى تتأثر بالسلب

خلونا نشوف مع بعض كل نوع على حدى واهم تطبيقاته 

شاشات تقنية المقاومة ...

واضح من اسمها ان الفكرة فى عملها معتمده على المقاومة الكهربية وفى الحالة دى الشاشة عبارة عن طبقتين بيفصل بينهم فراغ
وفيها المستخدم بيحتاج قلم يساعده فى الضغط على الشاشة ,,
الضغطة دى بتقلل المقاومة على النقطة الملموسة بسبب قرب الطبقتين من بعض وبالتالى بيتأثر التيار اللى بيمر فى سنسور التحكم فى المقاومة حيث انه بيمر بسرعه اكبر وبيترجم نظام التشغيل معنى اللمسة فى المكان ده ..
التقنية دى مستخدمه بكثرة فى الجيل الاول لاستخدام تقنيات اللمس ,, زى الموبايلات واجهزة نينتيندو الكفية ..
التقنية دى سعرها منخفض لكنها معتمده بشكل كبير على الضغط
عشان كدا لازم تستخدم قلم اللمس ومع مرور الوقت بتقل جودتها او تتعطل
لكن حسن الحظ هو انخفاض تكاليف الاصلاح والاستبدال طبعا عيوبها هو افتقارها للمس المتعدد
ومبتشتغلش بسهولة مع اللمس باليد ده غير ان التقنية دى بتضيع تقريبا 25% من نصاعة الشاشة ووضوحها ...

الصورة بتوضح طريقة عملها ..


>>شاشات تقنية التكثيف

هي تقنية تعتمد على فكرة التكثيف الكهربائي. وفيها مش محتاجين لقلم لمس الصوابع كفايه عشان تقوم بالمهمه دى

الشاشة بتكون مطلية بجسيمات مشحونة كهربائياً،
بتتأثر بمرور إصبعنا اللي بيوصل كهرباء من أجسامنا على الشاشة فتتكثف؛
وبيترجم برنامج التشغيل معنى الإشارة. ولو حبينا نستخدم قلم فبيبقى قلم مخصوص بيمرر الكهرباء
بالتالى هو اغلى فى السعر من العادى المستخدم فى شاشات المقاومة ؛ التقنية دى أكثر انتشارا ً دلوقتى
وتكلفتها أعلى قليلاً من التقنية المقاومة. وبتستخدم في أجهزة الآيفون و الآيباد وأجهزة السامسونج
ومعظم مانستخدم من هواتف و اجهزة لوحية. وميزتها هى إمكانيات اللمس المتعدد،
يعنى ممكن استخدام إصبعين في نفس الوقت أو أكثر لتكبير الصور وتصغيرها وتحريك الأشياء واللمس طويل
المدة اللى بيدى خيارات اكتر في مختلف البرامج. وعلى الرغم من كل التسهيلات والإمكانيات،
الا ان سقوط نقطة ماء أو شئ يحمل شحنة على الشاشة هيخليه يتصرف باضطراب
وعليه لازم لو ده حصل نقفل الشاشة وننظيفها قبل مواصلة استخدام الجهاز. الشاشة مبتبوظش بالغبار او المية
كما انها اكتر نصاعه ووضوح ,,
هى كل المشكلة بيبقى فى الشاشات الصغيرة وحجم الاصابع اللى بتأثر في دقة الاختيار والتفاعل مع البرامج واعطاء الأوامر.

>>شاشات تقنية الاشعه تحت الحمراء

وهى تقنية بتعتمد على الأشعة تحت الحمراء.
وهى بتعتمد على إضاءة شبكة تربيعية من الخطوط تحت الحمراء على الشاشة كلها لاترى بالعين المجردة.
 وعشان تشتغل ، بنحط ايدينا على الشاشة او اى شئ مساعد يقطع خط الاشعه زى قلم اللمس مثلا ,,
او اصابعنا بنقطع باللمس الخطوط دى على خط في محور س و خط في محور ص، خط واحد او اكتر
 ومن خلال برنامج التشغيل بيترجم فين كان القطع و ايه معناه عن طريق حساسات في أطراف الشاشة.
التقنية دى تعتبر أعلى تكلفة من تقنية المقاومة او التكثيف وهي بتستخدم في الأجهزة الأكثر دقة
و تستخدم في المصانع أو أجهزة الحاسوب الكبيرة اللى بتوفر تقنية اللمس في شاشاتها كوسيلة للتفاعل.
 طبعا بتوفر وضوحاً ونصوعاً أعلى من النوعين التانيين ولا تتأثر بالغبار
والماء
المشكلة فقط لو اتعرضت الشاشة لضغط يشوه استواء سطحها أو وقع عليها شئ التصق بها.



الثابت فى كل انواع الاجهزة اللى بتشتغل باللمس على الشاشات هو الحذر فى التعامل معاها لان الشاشات بتكون اكثر حساسية ...

وبكدا نكون وضحنا اشهر تلت تقنيات لعمل شاشات اللمس

1 comments: