Virus – فيروس الحاسب
ناس كتير متخيله انه عيب ف الكمبيوتر او بيظهر نتيجه خلل او خطا معين ف نظام الكمبيوتر لكن هوا غير كدا
ده برنامج خارجي يتم تصميمه عمدا حيث انه اتكتب بطريقه معينه عشان يغير ف خصائص الملفات اللي بيصيبهاو بتنفذ اوامر معينه يا اما بتزيل ملفات او بتعدل فيها او بتخربها "اي اذي و خلاص " و بتتباين الخسائر اللي بتعملها من تدمير ملف صغير الي تدمير قواعد بيانات او سرقتها و تبلغ قيمته الخساير الملايين او اكتر
طيب مين اللي بيعمل الفيروس ده
اللي بيصممه مبرمجين و محترفين كمان عشان قدرته ع اختراق اي نظام لازم تبقي عاليه و يقدر يلحق الاذي بيه, بيتم تصميمه بشكل متعمد
طيب ايه الهدف من كدا ؟! ليه اكتر من هدف
ــــــــــــــــــــــــــ
لو ع المستوي الشخصي
فبعض المبرمجين بيعتبروا ان ده هوايه و بعضهم بياخدوا ده تحدي انهم يقدروا يخترقوا نظام امني معين و بيدل ع مدي قدرتهم و مهارتهم
برضو هناك اهداف تجاريه و سياسيه اقتصاديه و عسكريه ,
ع الجانب التجاري
ودي فكرتها زي بتاع الزجاج اللي بيكسر شبابيك الناس بليل عشان ييجوا الصبح يصلحوه عنده نفس الفكره شركات بتُوجد فيروس و طبعا تبقي عندهابس مضاده"anti- virus" عشان لما يصيب انظمه تبقي الشركات دي الوحيده اللي عندها العلاج و ده بيدر ربح مهول ليها
هدف عسكري
ممكن تشوفه من اللينك ده
هدف اجرامي
زي سرقه البيانات و ارقام حسابات البنوك و ارقام بطاقه الائتمان و كلمات السر و غيرها
طيب تمام ايه سبب تسميتها بالفيروس :
لانها بتشبه ف خصائها الكائنات المتطلفه فتخيلها زي مرض بيصيب الجسم
ﻳﺴﻠﻚ ﻧﻔﺲ ﺳﻠﻮﻙ ﺍﻟﻔيرﻭﺳﺎﺕ ﺍﻟﺒﻴﻮﻟﻮﺟﻴه حيث انه بيدخل عن طريق احد المنافذ و بيكون ليه فتره خمول ف انتظار حدث معين و بعده يبتدي ينشط ف رحله لاستكمال مهامه التخريبيه
الفيروس لها خصائص
ــــــــــــــــــــــــــ
- برنامج قادر ع التناسخ و الانتشار ف الوسط المصاب الي غيره
- الفيروس يربط نفسه ببرنامج اخر يسمي الحاضن host
- الفيروسات لا تنشا من ذاتها
- الفيروس مش بيتواجد بشكل مباشر و لوحده دايما بيحتاج برنامج host و يربط نفسه بيه زي بالظبط شخص مصاب بفيروس الانفلونزا
فالشخص الحامل للفيروس ده هيعدي بيها اللي حواليه اذا اتعامل معاهم زيها الملفات فالملف المصاب بيتملكه الفيروس فعند تفعيل البرنامج يتم ايضا تفعيل الفيروس لينتشر
كمان الفيروس بيتواجد ف مكان اساسي و حساس و هوا الذاكره و ده معناه ان الفيروس هيصيب اي ملف متواجد ف الذاكره
دوره حياه الفيروس ده
-virus lifetime stages
ــــــــــــــــــــــــــ
طور الخمول
هنا بيكون الفيروس معطل و مش كل الفيروسات بتمر بالمرحله دي
بيفضل ف مرحله الخمول لحد ما يتنشط بواسطه حدث ما زي تاريخ,تجاوز الذاكره لحد معين , وجود برنامج اخر حسب برمجه الفيروس نفسه
The Replication Mechanism . اليه التناسخ
بيقوم الفيروس بوضع نسخه مطابقه ليه ف برامج تانيه او ف مساحات نظام معينه داخل القرص و كل نسخه تقوم بدورها ف مرحله الانتشار
The protection mechanism . اليه التخفي
و هنا بيقدر يختفي و يستخدم برمجته العاليه ف عدم اكتشافه
اليه التنفيذ
بيتم فيها ناجاز المهمه المنوطه به و ممكن الوظيفه دي تكون رساله ع الشاشه او دمار ف النظام او ملفات البيانات
__________________________
0 comments:
Post a Comment