لا وجود للثقوب السوداء

اخر مقالة لستيفن هوكينج في مجلة

 nature

بس ستيفن مكنش قصده إن مفيش ثقوب سوداء خالص كان قصده إن جزء من الثقب الأسود هو اللي مش موجود وبالنسبة ليه إلغاء الجزء ده معناه إن مفيش ثقوب سوداء اصلا 

ايه الجزء ده بقي ؟!

هو افق الحدث

 (Event Horizon )

 ده الجزء الخفي اللي مفيش حاجة تقدر تهرب منه حتي الضوء واي حاجة تعديه متقدرش تخرج تانيبسبب تأثير جاذبية الثقب الأسود

المهم جه عالم اسمه جوزيف بولشينسكي من معهد

 kavli

 قال هو وكام باحث كانوا معاه لو رائد فضاء حظه وحش وقع في ثقب أسود هيحصله ايه ؟؟؟

جوزيف اعد يفكر ويفكر واستند لقوانيين الفيزياء الكمية وقال افق الحدث ساعتها هيتحول لمكان عالي الطاقة جدًا

 لدرجة إن رائد الفضاء المسكين هيتحرق تمامًا قبل ما يعدب افق الحدثعرضوا السؤال ده علي قوانيين النسبية العامة 

فلقوا إن رائد الفضاء هيعدي من غير ما يحصله حاجة وبعدين جسمه هيبدأ يطول بصورة كبيرة بسبب قوة الشد الكبيرة الناشئة عن قوة جاذبية الثقب الأسود لغاية ما يوصل لنقطة ليها كثافة عالية اسمها

 singularity ( التفرد ) وهي عبارة عن نقطة ليها كثافة لانهائية موجودة في مركز الثقب الأسود 

لما حيوصل ليها الرائد الغلبان المسكين هيسحق

وكدا بقي في رأيين عكس بعض رأي النسبية ورأي الكم والاختلاف ده اتسمي " مفارقة الجدار الناري للثقب الأسود " يسكت ستيفنلأ ازاي 

قال عندي الحل نلغي افق الحدث خالص وقال إن تاثير ميكانيكا الكم حولين الثقب الاسود بيسبب تقلب كبير في الزمكان وبتخلي وجود حد واضح (زي افق الحدث مثلا ) في مكان في الفضاء حاجة مستحيلة

فقترح اننا نلغي افق الحدث ونحط مكانه حاجة اسمها افق ظاهري وده عبارة عن سطح بيحجز اي حاجة من الخروج من الثقب الاسود

لما نبص علي الأفق الظاهري ده من النسبية العامة هيكون هو و افق الحدث متطابقان 

الاثنين مش هيسمحوا للضوء او اي حاجة تانية انها تهرب من الثقب الاسود 

بس عكس بعض في كثير يعني لما يبتلع الثقب الأسود كميات كبيرة من المادة ساعتها افق الحدث هيبقي اكبر من الأفق الظاهري ولما يصغر الثقب الاسود او ينكمش هيطلع حاجة من الثقب تنبأ ستيفن هوكينج بيها وسماها علي اسمه 

اشعاع هوكينج 

ولما هيطله الاشعاع ده هيبق افق الحدث اصغر من الافق الظاهري وفي الحالتين الأفق الظاهري هو الاساس وفقًا لكلام ستيفن كمان افق الحدث مش ينفع يختفي اما الافق الظاهري ممكن يختفي وده لما ينكمش الثقب الأسود عند حجم معين يخلي تاثيرات الكم والنسبية زي بعض بالظبط 

ساعتها بيتلاشي......... بعد كل ده لو الاخ ستيفن هوكينج صح كدا مش هيكون في حاجة اسمها نقطة التفرد واي مادة هتدخل هتفضل محتجزة وراء الافق الظاهري وبتتحرك ببطئ لجوه الثقب الأسود بس مش هتوصل لمركزه ابدًا وهتفضل جوا لحد ما ينكمش وتخرج مع اشعاع هوكينج بس المادة مش هتكون زي مادخلت وده اللي هيخلي من الصعب معرفة كانت ايه قبل ماتدخل الثقب الأسود  

بس  تفتكروا النظرية دي هيبقي معترف بيها وهتبقي الثقوب السوداء مختلفة عما كنا نعرف