يعني ايه تورنت؟

اسمه بالكامل BitTorrent

و هو بروتوكول لنقل البيانات.

كتير مننا بيستخدمه و ميعرفش الفرق بينه و بين ال download العادي..

بروتوكول BitTorrent قائم على ال (Peer-to-Peer) يعني الند للند!!

يعني انت بتاخد الملف من على جهاز مستخدم اخر مباشرة

و من مميزاته انه بيجمع بين السرعة و الجودة العالية..

طيب ازاي نستخدمه ؟؟

اولا:

تنزيل

(BitTorrent client)

و ده البرنامج اللي هينفذ البروتوكول, يعني يطلب الملف اللي انت عايزه و تتحكم به في التحميل,

يعني نقدر نقول انه زي انترنت داونلود مانجر

ثانيا:

تنزيل ملف التورنت

(file.torrent)

و ده بيحتوي على معلومات بسيطة عن الملف المطلوب (لعبة, فيديو, اغنية)

زي اسم الموقع و التراكر

ثالثا:

كيف نحصل على ملف التورنت؟؟

في اكتر من موقع لتحميل ملفات التورنت و ده لينك بترتيب المواقع من حيث الشهرة

رابعا:

قولنا فوق ان البروتوكول بيعتمد على نظام الند للند

(Peer-to-Peer)

و ال Peers نوعين..

(Seeder) و ده المستخدم اللي بيملك الملف على جهازة

(Leecher) و ده حضرتك اللي بيطلب تحميل الملف

اه صح.. كل ما يزيد عدد ال

Seeders

التحميل بيكون اسرع

خامس حاجة

اكيد عملية نقل الملفات مش عشوائية

و دي وظيفة

(BitTorrent Tracker)

و دوره هو جمع و تنسيق المعلومات بين ال

Peers

بدون ما يمتلك الملف المطلوب او حتى يعرف محتويات الملف..